ഇടുക്കി: മറയൂരില് കാട്ടുപോത്തിന്റെ ആക്രമണത്തില് ഒരാള്ക്ക് ഗുരുതരമായി പരിക്കേറ്റു. മംഗളംപാറ സ്വദേശി അന്തോണി മുത്ത് തങ്കയയെയാണ് കാട്ടുപോത്ത് ആക്രമിച്ചത്. ഇന്നലെ രാത്രിയാണ് സംഭവം.മംഗളം പാറയിലെ കൃഷിയിടത്തില് നനക്കുന്നതിനിടെയായിരുന്നു ആക്രമണം.
വിജനമായ കൃഷിയിടമായതിനാല് അക്രമം നടന്നത് അറിയാന് വൈകുകയായിരുന്നു. അർധ രാത്രി ഈ വഴിയെത്തിയ ആദിവാസികളാണ് ഗുരുതര പരിക്കുകളോടെ അന്തോണിയെ കണ്ടത്. ഉടന് മറയൂര് ആശുപത്രിയിലും പിന്നീട് തേനി മെഡിക്കല് കോളേജിലും പ്രവേശിപ്പിച്ചു.
കാലിന് ഒടിവും നടുവിന് ഗുരുതരമായി പരിക്കേൽക്കുകയും ചെയ്തിട്ടുണ്ട്. കാട്ടുപോത്തുകള് കൃഷിയിടങ്ങളിലിറങ്ങാതിരിക്കാൻ പ്രദേശത്ത് കൂടുതല് വനപാലകരെ എത്തിച്ചു
