പ്രേതങ്ങള് എന്ന് കേള്ക്കുമ്പോള് തന്നെ പേടിയില്ലാത്തവരായി അധികമാരും കാണില്ല. ആള് സഞ്ചാരമില്ലാത്ത ഇടങ്ങളിലും ഒറ്റപ്പെട്ട സ്ഥലങ്ങളിലുമെല്ലാം ഇരുട്ടു വീണുകഴിഞ്ഞാല് പ്രേതങ്ങള് ഇറങ്ങാന് സാധ്യതയുണ്ടെന്ന ധാരണയിലാണ് പലരും. എന്നാല് ഇവയുടെ അസ്ഥിത്വം സംബന്ധിച്ച് ഇതുവരെ ഒന്നും കണ്ടെത്തിയിട്ടില്ല എന്നതാണ് മറ്റൊരു വാസ്തവം. എങ്കിലും പ്രേതക്കഥകള്ക്ക് ഒരു പഞ്ഞവും ഇല്ല എന്ന് വേണം പറയാന്. മാത്രമല്ല പ്രേതമുണ്ടെന്ന് തെളിയിക്കുന്ന ഒട്ടനവധി വീഡിയോകളും വാര്ത്തകളും വരെ സോഷ്യല് മീഡിയയിലൂടെ പുറത്തുവരാറുണ്ട്. സമാനമായ ഒരു വീഡിയോയാണ് കഴിഞ്ഞ ദിവസം ഫേസ്ബുക്കില് പങ്കുവയ്ക്കപ്പെട്ടത്.
ഫിലിപ്പീയന്സില് നിന്നുള്ള ഒരു ബൈക്ക് റൈഡര് പങ്കുവച്ച വീഡിയോയിലാണ് വെളിച്ചമുള്ള രാത്രിയല് പ്രേതത്തെ പോലെ ഒരു രൂപത്തെ കണ്ടെത്തിയത്. ഫിലിപ്പിയന്സിലെ കഗയാന് ഡി ഓറോയിലെ ഒരു ദേശീയ പാതയിലൂടെ സുഹൃത്തുമൊത്ത് മാര്ച്ച് രണ്ടിന് തന്റെ ബൈക്കുമായി പോകുമ്പോളാണ് ഈ അസാധാരണ സംഭവം ഉണ്ടായതെന്ന് കാള് ഡാഗസ് അവകാശപ്പെട്ടതായി ഡെയ്ലിമെയില് റിപ്പോര്ട്ട് ചെയ്തു. അത്യാവശ്യം വേഗത്തില് തിരക്കൊഴിഞ്ഞ നഗരത്തിലൂടെ പോവുകയായിരുന്നു ബൈക്കര്. പെട്ടെന്നാണ് റോഡ് കടന്നുകൊണ്ട് മനുഷ്യരൂപം പോലെ ഒന്ന് ബൈക്കിന് മുന്നിലൂടെ പെട്ടെന്ന് കടന്ന് പോയത്. അപ്രതീക്ഷ കാഴ്ചയെ തുടര്ന്ന് ബൈക്കര് ചുറ്റുപാടും നോക്കുന്നതും അദ്ദേഹത്തിന്റെ ഹെല്മറ്റില് ഘടിപ്പിച്ച ക്യാമറയില് പതിഞ്ഞിട്ടുണ്ട്. എന്നാല്, അതിനകം ആ പ്രേതരൂപം റോഡില് നിന്നും അപ്രത്യക്ഷമായിരുന്നു.
അപ്രതീക്ഷിതമായ ഒരു കൂട്ടയിടി തന്നെ സംഭവിച്ചിട്ടും ആ രൂപത്തെ പിന്നീട് കണ്ടെത്താന് കഴിഞ്ഞില്ലെന്ന് കാള് ഡാഗസ് പറഞ്ഞു. തന്റെ ബൈക്കിന് മുന്നിലേക്ക് അപ്രതീക്ഷിതമായി കയറിവന്ന രൂപത്തിന്റെ മുഖം വ്യക്തമല്ലായിരുന്നുവെന്നും അദ്ദേഹം കൂട്ടിച്ചേര്ത്തു. അതിന് ഏതാണ്ടൊരു പ്രേതരൂപമായിരുവെന്നാണ് കാളിന്റെയും നിരീക്ഷണം. ഹെല്മറ്റില് നിന്നുള്ള വീഡിയോ ദൃശ്യങ്ങള് ഫിലിപ്പീയന്സിലെ സോഷ്യല് മീഡിയാ പ്ലാറ്റ്ഫോമുകളില് വളരെ പെട്ടെന്ന് തന്നെ വൈറലായി. അത് 'പ്രേതം തന്നെ' എന്ന് ചിലര് അവകാശപ്പെട്ടു.
മറ്റ് ചിലര് 'വീഡിയോ യാഥാര്ത്ഥ്യമാണോ' എന്ന് ആശങ്കപ്പെട്ടു. ചിലര് ഡ്യാഷ് ക്യാമറകളുടെ ക്വാളിറ്റിയെ കുറിച്ച് തര്ക്കിച്ചു. ഏതായാലും വീഡിയോ കണ്ട് പലരും ഒന്ന് അമ്പരന്നിരിക്കുകയാണ്.
