ഇന്ത്യൻ സിനിമയിൽ ഏറ്റവും തിരക്കുള്ള നായികമാരിൽ ഒരാളാണ് തമന്ന ഭാട്ടിയ. 2005 ൽ ഹിന്ദി ചിത്രത്തിലൂടെ അഭിനയരംഗത്തേക്ക് എത്തിയ തമന്ന 18 വർഷത്തിനുള്ളിൽ ഇന്ത്യൻ സിനിമയിലെ അറിയപ്പെടുന്ന നായികയായി മാറി. തെന്നിന്ത്യയിലും ബോളിവുഡിലും തിളങ്ങി നില്ക്കുന്ന താരറാണിയാണിപ്പോള് തമന്ന. ഇന്ന് ഇന്ത്യയിൽ ഏറ്റവും തിരക്കുള്ള നടിമാരിൽ ഒരാളായ തമന്ന ഹിന്ദി, തമിഴ്, തെലുങ്ക്, കന്നഡ ചിത്രങ്ങളിലൂടെ നിരവധി ആരാധകരെ സ്വന്തമാക്കിയിട്ടുണ്ട്. തമന്ന ആദ്യമായി മലയാളത്തിൽ അഭിനയിച്ച ചിത്രമാണ് ബാന്ദ്ര. സോഷ്യല് മീഡിയയില് സജീവമായ താരം എല്ലാ ഫോട്ടോഷൂട്ടുകളും അതിലൂടെ പങ്കിടാറുണ്ട്. താരത്തിന്റെ ഫാഷന് സെന്സിനും ഹോട്ട് ഔട്ട്ഫിറ്റുകള്ക്കും ആരാധകര് ഏറെയാണ്.
ഇപ്പോഴിതാ ഗൗരവ് ഗുപ്തയുടെ മലാഖൈറ്റ് ആസ്ട്രൽ ലെഹംഗയില് തിളങ്ങുന്ന ചിത്രങ്ങളാണ് താരം പങ്കുവച്ചിരിക്കുന്നത്. ക്രിസ്റ്റൽ ബ്യൂഗിൾ ബീഡുകൾ ഉപയോഗിച്ച് ഉയർത്തിയ ഒരു മലാഖൈറ്റ് ആസ്ട്രൽ ഗ്രീന് ലെഹങ്കയിൽ താരം സ്റ്റൈലിഷായി തിളങ്ങുകയാണ്. അതിനൊപ്പം സ്കള്പ്റ്റഡ് ബ്ലൗസും കേപ്പും ഒപ്പം അതിമനോഹരമായ ആഭരണങ്ങളായ സ്റ്റൈലിഷ് ചോക്കർ നെക്ലേസും സ്റ്റേറ്റ്മെൻ്റ് സ്റ്റഡുകളും നഗ്ന മേക്കപ്പും ബണ്ണും ഉപയോഗിച്ച് തമന്ന തന്റെ ഗ്ലാമര് ലുക്കിന് പ്രത്യേകമായ അഴക് നല്കി. ബ്രൈഡൽ ഫാഷൻ മേഖലയിൽ ഗൗരവ് ഗുപ്തയുടെ ഈ കളക്ഷന് താരത്തിന് ഒരു രാജ്ഞിയുടെ ലുക്കാണ് നല്കുന്നത്.
