ദത്തുപുത്രനുമായി വഴിവിട്ട ബന്ധം ആരോപിച്ച് തായ്ലന്റില് ഒരു ഉയര്ന്ന രാഷ്ട്രീയക്കാരി വിവാദത്തില്. സന്യാസിയായ 24 കാരന് ദത്തുപുത്രനുമായി ഇവര്ക്ക് അവിഹിതബന്ധം ഉണ്ടായിരുന്നതായും ഭര്ത്താവ് തന്നെ ഇവരുടെ അസാധാരണബന്ധം കണ്ടെത്തിയതായിട്ടുമാണ് സൗത്ത് ചൈന മോര്ണിംഗ് പോസ്റ്റ് റിപ്പോര്ട്ട് ചെയ്തിരിക്കുന്നത്. 45 കാരി പ്രപാപോര്ണ് ചോയിവാഡ്കോയാണ് വിവാദത്തിലായിരിക്കുന്നത്.
ഇവരെ മകന് ഫ്രാ മഹായ്ക്കൊപ്പം കിടക്കയില് വെച്ച് ഭര്ത്താവ് പിടികൂടുകയായിരുന്നു എന്നാണ് റിപ്പോര്ട്ട്. റിപ്പോര്ട്ട് ഇപ്പോള് സോഷ്യല് മീഡിയയില് ചര്ച്ചാ വിഷയമാണ്. ഭര്ത്താവിനെ ടി എന്ന് മാത്രമാണ് പത്രം വിശേഷിപ്പിക്കുന്നത്. സന്യാസി ഇപ്പോള് ഒളിവിലാണ്. ഒരു ക്ഷേത്രത്തില് നിന്ന് മഹായെ ദമ്പതികള് ദത്തെടുത്തത് കഴിഞ്ഞ വര്ഷമായിരുന്നു.
സന്യാസിയുമായുള്ള ചോയിവാഡ്കോയുടെ ബന്ധത്തില് സംശയം തോന്നിയ ഭര്ത്താവ് അവരെ പിടിക്കാന് ഒരു പദ്ധതി തയ്യാറാക്കി കുടുക്കുകയായിരുന്നു. ടി റെക്കോഡ് ചെയ്തതെന്ന് കരുതുന്ന ഇവരുടെ ഒരു വീഡിയോ വിവിധ സോഷ്യല് മീഡിയ പ്ലാറ്റ്ഫോമുകളില് ഉയര്ന്നുവന്നിട്ടുണ്ട്. തായ്ലന്ഡിന്റെ അയല്രാജ്യങ്ങളിലെ സോഷ്യല് മീഡിയ ഉപയോക്താക്കളെ വരെ വാര്ത്ത ഞെട്ടിച്ചിരിക്കുകയാണ്.
''വാര്ത്ത സ്ഫോടനാത്മകമാണ്, സമ്പന്നരുടെ ലോകം തീര്ച്ചയായും ആകര്ഷകവും അരാജകവുമാണ്.'' ഒരു ഉപയോക്താവ് എക്സില് കുറിച്ചു. '64 വയസ്സുള്ള ഭര്ത്താവ്, 45 വയസ്സുള്ള ഭാര്യ, 24 വയസ്സുള്ള ദത്തുപുത്രന് സന്യാസിയാണോ? ഇതൊരു കുഴപ്പമാണ്. ദത്തെടുക്കുന്നതിനുപകരം ഒരു ആണ്കുട്ടിയെ കളിപ്പാട്ടം സൂക്ഷിക്കുന്നത് പോലെയാണ് ഇത് കേള്ക്കുമ്പോള് തോന്നുന്നത്. സിനിമയ്ക്ക് പോലും ഇങ്ങിനെ തിരക്കഥയെഴുതാന് ആരും ധൈര്യപ്പെടില്ല.''മറ്റൊരാള് പറഞ്ഞു.
വീഡിയോയില് 'നിങ്ങള് രണ്ടുപേരും സന്തുഷ്ടരാണോ?' എന്ന് ചോയ്വാഡ്കോയോട് വീഡിയോ റെക്കോഡ് ചെയ്തയാള് ചോദിക്കുന്നു. എന്നാല് തങ്ങള് ലൈംഗിക ബന്ധത്തില് ഏര്പ്പെട്ടിട്ടില്ലെന്നും സംസാരിക്കുക മാത്രമായിരുന്നുവെന്നും ആരോപിച്ച് ഭാര്യ സ്വയം പ്രതിരോധിച്ചു. അരുതാത്തത് ഒന്നും സംഭവിച്ചില്ല എന്ന് പറഞ്ഞ് ഫ്രായും വീഡിയോയില് സ്വയം ന്യായീകരിക്കുന്നുണ്ട്.
മധ്യ തായ്ലന്ഡിലെ ഒരു പ്രവിശ്യയായ സുഖോത്തായിയില് നിന്നുള്ള ജനപ്രിയ രാഷ്ട്രീയക്കാരനാണ് ചോയിവാഡ്കോ. നിലവില് ഒരു പ്രാദേശിക ചേംബര് ഓഫ് കൊമേഴ്സിന്റെ പ്രസിഡന്റായി സേവനമനുഷ്ഠിക്കുന്ന അവര് കഴിഞ്ഞ വര്ഷം മാര്ച്ച് മുതല് ഡെമോക്രാറ്റ് പാര്ട്ടി അംഗമാണ്. അഴിമതിക്കേസില് അന്വേഷണ വിധേയമായി അവരെ പാര്ട്ടി സസ്പെന്ഡ് ചെയ്തിരിക്കുകയാണ്.
