പൊതുസ്ഥലങ്ങളില് സ്ത്രീകള്ക്കെതിരെയുള്ള ലൈംഗീക അതിക്രമങ്ങള് വര്ധിച്ചുവരുന്ന കാലഘട്ടമാണിത്. എന്നാല് ഭൂരിഭാഗം സ്ത്രീകളും നമ്മുടെ സാമൂഹികാവസ്ഥ കാരണം പൊതുവെ പരാതികളുന്നയിക്കാറില്ല. ഇത്തരം പരാതികളില് നടപടികളുണ്ടാകില്ലെന്ന് വിചാരിച്ചോ അല്ലെങ്കില് സ്വയം അപമാനിക്കപ്പെടുമെന്ന് ഭയന്നോ ആകാമിത്. എന്നാല് ഇപ്പോഴിതാ ദില്ലി മെട്രോയില് തനിക്കുണ്ടായ ദുരനുഭവം പങ്കുവച്ചിരിക്കുകയാണ് ഇവിടെ ഒരു 16 കാരന്. മെട്രോയില് വച്ച് തന്നെ ഒരു അപരിചിതന് ലൈംഗികമായി പീഡിപ്പിച്ചുവെന്ന് 16 കാരന് കുറിച്ചപ്പോള് നടപടി എടുക്കാനായിരുന്നു ദില്ലി പോലീസിന്റെ തീരുമാനം. മെട്രോയില് വെച്ച് ഒരാള് തന്നെ ലൈംഗികമായി പീഡിപ്പിച്ചുവെന്ന 16 കാരന്റെ സാമൂഹിക പരാതിയിന്മേലാണ് ദില്ലി പോലീസ് അന്വേഷണത്തിന് തയ്യാറായത്.
ഭവ്യ എന്ന എക്സ് സാമൂഹിക മാധ്യമ അക്കൌണ്ടിലൂടെയാണ് പരാതി ഉന്നയിക്കപ്പെട്ടത്. ദില്ലി സ്വദേശിയായ കൗമാരക്കാരന് റെഡ്ഡിറ്റിലും എക്സ് സാമൂഹിക മാധ്യത്തിലുമാണ് തന്റെ ദുരനുഭവം പങ്കുവെച്ചത്. രാജീവ് ചൗക്കില് നിന്ന് മെട്രോയില് കയറിയ തന്നെ അപരിചിതനായ ഒരാള് ദുരുദ്ദേശത്തോടെ സ്പര്ശിക്കുകയായിരുന്നു എന്നാണ് കൗമാരക്കാരന് പോസ്റ്റില് പറയുന്നത്. തന്റെ സ്വകാര്യ ഭാ?ഗങ്ങളില് അയാള് സ്പര്ശിച്ചത് തനിക്ക് അറപ്പ് ഉളവാക്കിയെന്നും പോസ്റ്റില് പറയുന്നു. പലതവണ താന് തടയാന് ശ്രമിച്ചിട്ടും അയാള് ഈ പ്രവര്ത്തി നിറുത്തിയില്ലെന്നും ഒടുവില് തനിക്ക് അയാളുടെ കൈ മാന്തി പൊട്ടിക്കേണ്ടി വന്നെന്നുമുള്ള തന്റെ നിസഹായത വിവരിച്ച് 16 കാരന് വ്യക്തമാക്കി.
പെട്ടന്ന് തന്നെ ട്രെയിന് നിറുത്താന് താന് ആഗ്രിച്ചുവെന്നും അവന് കൂട്ടിച്ചേര്ത്തു. തന്റെ എതിര്പ്പുകളെ വകവയ്ക്കാതെയും അയാള് ശല്യം ചെയ്തത് തുടര്ന്നപ്പോള് താന് അയാളുടെ ചിത്രം എടുത്തുവെന്നും എന്നാല് ട്രെയിനില് നിന്ന് ഇറങ്ങിയപ്പോള് അയാള് തന്നെ പിന്തുടര്ന്നെന്നും ഇരയാക്കപ്പെട്ട കൗമാരക്കാരന് പറയുന്നു. ഒടുവില് ഒരു സെക്യൂരിറ്റി ഗാര്ഡിനെ കണ്ടതോടെ അക്രമി പിന്വാങ്ങിയതിനാല് താന് രക്ഷപ്പെട്ടുവെന്നും അവന് കൂട്ടിച്ചേര്ത്തു. ഈ പോസ്റ്റ് നിമിഷമ നേരങ്ങള്ക്കുള്ളില് വൈറലയാകുകയും ഇതോടെ പോസ്റ്റ് ശ്രദ്ധയില്പ്പെട്ടെ ദില്ലി പോലീസ് അന്വേഷണത്തിന് ഉത്തരവിടുകയുമായിരുന്നു. തുടര്ന്ന് പോലീസ് ഇരയാക്കപ്പെട്ട വ്യക്തിയോട് ബന്ധപ്പെടേണ്ട നമ്പര് സാമൂഹിക മാധ്യമങ്ങളിലൂടെ ചോദിച്ചു. നിയമ നടപടിയുമായി മുന്നോട്ട് പോകാനാണ് തന്റെ തീരുമാനമെന്നും ഈ കൗമാരക്കാരന് മറ്റൊരു പോസ്റ്റില് എഴുതി.
