തിരുവനന്തപുരം; കെഎസ്ആര്ടിസി ബസ് തടഞ്ഞ സംഭത്തില് മേയര് ആര്യ രാജേന്ദ്രനും ഭര്ത്താവ് കെഎം സച്ചിന് ദേവ എംഎല്എയ്ക്കുമെതിരെ കേസെടുക്കാനായി ഉത്തരവ്. കെഎസ്ആര്ടിസി ഡ്രൈവറായ യദുവിന്റെ പരാതിയുടെ അടിസ്ഥാനത്തിലാണ് കോടതി ഉത്തരവ്. നിര്ദേശം കന്റോണ്മെന്റ് പോലീസിനാണ്.
തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതി മൂന്നിന്റെതാണ് ഉത്തരവ്. നേരത്തെ സംഭവത്തില് ഡ്രൈവര് യദു പൊലീസില് പരാതി നല്കിയെങ്കിലും കേസ് എടുത്തിരുന്നില്ല. തുടര്ന്ന് കോടതിയെ സമീപിക്കുകയായിരുന്നു. മേയര് ആര്യാ രാജേന്ദ്രന്, ഭര്ത്താവും എംഎല്എയുമായ കെഎം സച്ചിന്ദേവ്, മേയറുടെ സഹോദരന്, സഹോദര ഭാര്യ, കണ്ടാലറിയാവുന്ന ഒരാള് ഇവര്ക്കെതിരെ കേസ് എടുക്കണമെന്നായിരുന്നു ഹര്ജിയിലെ ആവശ്യം.
