തെന്നിന്ത്യയിലെ ലേഡി സൂപ്പര്സ്റ്റാറാണ് നയന്താര. മികച്ച വേഷങ്ങളിലൂടെ പ്രേക്ഷകരുടെ ഹൃദയം കീഴടക്കിയ താരം തമിഴ് സംവിധായകനും നിര്മ്മാതാവുമായ വിഘ്നേഷ് ശിവനെ വിവാഹം ചെയ്തപ്പോള് ആരാധകരത് ആവേശത്തോടെ ഏറ്റെടുത്തു. നയന്താരയെക്കാളേറെ താരത്തിന്റെ വിശേഷങ്ങളും സന്തോഷങ്ങളും ആരാധകരുമായി കൂടുതല് പങ്കിടാറുള്ളത് വിഘ്നേഷാണ്. ഇവര്ക്ക് ഇരട്ടക്കുട്ടികള് ജനിച്ചതും അവരുടെ കുസൃതികളും ചിത്രങ്ങളുമടക്കം വിഘ്നേഷ് സോഷ്യല് മീഡിയയിലൂടെ പങ്കിടാറുണ്ട്.
ഇപ്പോഴിതാ മാതൃദിനത്തില് ഹൃദയഹാരിയായ ഒരു പോസ്റ്റും മക്കളുടെയും നയന്താരയുടെയും വീഡിയോയും പങ്കിടുകയാണ് വിഘ്നേഷ്. നയന്താരയുടെയും മക്കളായ ഉയിരിന്റെയും ഉലകത്തിന്റെയും ക്യൂട്ട് വീഡിയോകളാണ് വിഘ്നേഷ് പങ്കിട്ടിരിക്കുന്നത്. ‘‘അമ്മയെന്ന സ്കേലില് നിന്നെ അളന്നാല് 10 എന്ന സ്കെയിലിൽ നിങ്ങൾ 99 ആണ്... മാതൃദിനാശംസകൾ, വീണ്ടും വീണ്ടും പറയും നീയാണ് എന്റെ ഉയിർ ഉലകത്തിന് ഏറ്റവും മികച്ചത്...’’ എന്നാണ് വിഘ്നേഷ് കുറിച്ചിരിക്കുന്നത്. നയന്താര എന്ന അഭിനേത്രിയെ അല്ല മറിച്ച് മക്കള്ക്കൊപ്പം കുസൃതികള്ക്ക് കൂട്ടു നില്ക്കുകയും കുറുമ്പുകള് ഏറ്റുവാങ്ങുകയും ചെയ്യുന്ന ഒരു സാധാരണ അമ്മയെയാണ് ഈ വീഡിയോയില് കാണാനാകുന്നത്.
പോസ്റ്റിനു താഴെ നിരവധി ആരാധകര് കമന്റുകള് ഇടുന്നുണ്ട്. ‘ലേഡി സൂപ്പര്സ്റ്റാര് അമ്മ,ജീവിതത്തിലെ ഏറ്റവും നല്ല റോള്, അമ്മ’ എന്നിങ്ങനെ നിരവധിയാണ് കമന്റുകള്.
