വന്യമൃഗങ്ങളുടെ രസകരമായ പല വീഡിയോകളും സോഷ്യല് മീഡിയയിലൂടെ പുറത്തുവരാറുണ്ട്. ഇവയില് മൃഗങ്ങളുടെ കുസൃതിയും കളിയും തമാശയും നിറഞ്ഞ ഒട്ടനവധി വീഡിയോകള് ഉള്പ്പെടുന്നുണ്ട്. അത്തരത്തില് ഒരു വീഡിയോ സാമൂഹിക മാധ്യമങ്ങളില് വീണ്ടും ചിരി പടര്ത്തുകയാണ്. കാട്ടുമൃഗങ്ങള് യഥേഷ്ടം വിഹരിക്കുന്ന ഒരു ദേശീയോദ്യാനത്തില് ഒരു കുഞ്ഞ് കാണ്ടാമൃഗവും ഒരു വൈല്ഡ്ബീസ്റ്റും തമ്മിലുള്ള ഏറ്റുമുട്ടലിന്റെ ദൃശ്യങ്ങളാണ് ഇത്.
@AMAZINGNATURE എന്ന എക്സ് അക്കൗണ്ടാണ് വീഡിയോ പങ്കുവച്ചിരിക്കുന്നത്. വീഡിയോയില് അമ്മയ്ക്കൊപ്പം ഒരു പുല്ത്തകിടിയില് മേയുന്നതിനിടയിലാണ് കുഞ്ഞ് കാണ്ടാമൃഗത്തിന്റെ ഈ കുസൃതികള് എല്ലാം. തനിക്ക് അരികിലായി നില്ക്കുന്ന വൈല്ഡ്ബീസ്റ്റിനെ കണ്ടപ്പോള് കക്ഷിക്ക് ഒരു തോന്നല് ഒന്ന് പറ്റിച്ചു കളയാം. പിന്നെ വൈകിയില്ല വൈല്ഡ്ബീസ്റ്റിനെ ആക്രമിക്കാന് എന്ന മട്ടില് അതിനരികിലേക്ക് ഓടിയെത്തുന്നു. ഇത് വിശ്വസിച്ച വൈല്ഡ്ബീസ്റ്റ് കുഞ്ഞിനെ പ്രതിരോധിക്കാന് ചുവടുകള് വയ്ക്കുന്നു. ഇടയില് എപ്പോഴോ കുഞ്ഞന് റൈനോ തനിക്ക് അരികിലേക്ക് എത്തുമെന്ന് തോന്നിയപ്പോള് വൈല്ഡ് ബീസ്റ്റ് പിന്തിരിഞ്ഞോടുന്നതും വീഡിയോയില് കാണാം. ഈ സമയം തന്റെ ലക്ഷ്യം വിജയിച്ചമട്ടില് കുഞ്ഞു റിനോ തിരികെ അമ്മയ്ക്കരികിലേക്ക് ഓടിപ്പോകുന്നു.
വീഡിയോ എവിടെ നിന്നാണ് ചിത്രീകരിച്ചിരിക്കുന്നത് എന്ന് വ്യക്തമല്ല. ഏതായാലും നിമിഷ നേരങ്ങള്ക്കുള്ളില് വൈറലായ വീഡിയോയ്ക്ക് താഴെ നിരവധി ആളുകളാണ് കമന്റുമായി എത്തിയത്. 'കൊള്ളാം വൈല്ഡ്ബീസ്റ്റ്. കുഞ്ഞ് കളിക്കുകയാണെന്ന് അറിയാമെന്ന് തോന്നി' ഒരു കാഴ്ചക്കാരനെഴുതി. ഒരു അമ്മ കാണ്ടാമൃഗത്തിന്റെ മുകളില് കയറാന് ശ്രമിക്കുന്ന ഒരു കുഞ്ഞു കാണ്ടാമൃഗത്തിന്റെ ക്ലിപ്പ് പങ്കിട്ടുകൊണ്ട് മറ്റൊരാള് എഴുതിയത് 'കുഞ്ഞ് കാണ്ടാമൃഗങ്ങള് തമാശക്കാരായ ചെറിയ ആണ്കുട്ടികളാണ്. എല്ലാവരെയും ശല്യപ്പെടുത്താന് അവ ഇഷ്ടപ്പെടുന്നു' എന്നായിരുന്നു. 'ആദ്യ ദിവസത്തേക്ക് മതിയായ പരിശീലനം. നാളെ ഞങ്ങള് ലോകം ഏറ്റെടുക്കും' മറ്റൊരു കാഴ്ചക്കാരനെഴുതി.
A baby rhino playfully charging a wildebeest before running back to mom pic.twitter.com/PXKIHxXxnm
— Nature is Amazing ☘️ (@AMAZlNGNATURE) May 23, 2024
