സമീപ കാലങ്ങളിലായി റോഡുകളിലെ പൊതുസുരക്ഷയെ ചോദ്യം ചെയ്യുന്ന തരത്തിലുള്ള ഒട്ടനവധി വീഡിയോകളാണ് വൈറലായിക്കൊണ്ടിരിക്കുന്ന്. അമിതവേഗതയും സുരക്ഷാ മാനദണ്ഡങ്ങള് ഉപയോഗിക്കാതെയുള്ള വാഹനമോടിക്കലും മുതല് അശ്രദ്ധമായ രീതിയില് വാഹനം ഓടിച്ചു കൊണ്ടുള്ള വീഡിയോ ചിത്രീകരണങ്ങള് വരെ ഇത്തരം പ്രവൃത്തികളില് ഉള്പ്പെടുന്നു. ഇത്തരത്തിലൊരു കഴിഞ്ഞ ദിവസം സോഷ്യല് മീഡിയയില് പങ്കുവയ്ക്കപ്പെട്ടത്.
വീഡിയോയില് അമിതവേഗതയില് ബൈക്ക് ഓടിച്ചു കൊണ്ട് ഒരു ദമ്പതികള് നടത്തിയ പ്രണയപ്രകടനങ്ങള് ആണ് കാണുന്നത്. തീര്ത്തും അശ്രദ്ധമായ രീതിയില് വാഹനം ഓടിച്ച് തങ്ങള്ക്കും റോഡില് ഉണ്ടായിരുന്ന മറ്റു വാഹനങ്ങള്ക്കും അപകടം സൃഷ്ടിച്ച ഇവര്ക്കെതിരെ കേസ് എടുത്തിരിക്കുകയാണ് പോലീസ്. അമിത വേഗതയില് ഓടിച്ചു കൊണ്ടിരിക്കുന്ന ബൈക്കിന്റെ ഇന്ധന ടാങ്കിലാണ് വാഹനം ഓടിക്കുന്ന വ്യക്തിക്ക് അഭിമുഖമായി യുവതി ഇരിക്കുന്നത്. വാഹനം ഓടിക്കൊണ്ടിരിക്കുന്നതിനിടയില് ഇവര് ആ വ്യക്തിയെ ചുംബിക്കുന്നതും ആവേശഭരിതയായി എഴുന്നേറ്റ് നില്ക്കാന് ശ്രമിക്കുന്നത് ഒക്കെ വീഡിയോയില് കാണാം. പിന്നാലെ വന്ന വാഹനത്തിലെ യാത്രക്കാരാണ് ഈ വീഡിയോ ചിത്രീകരിച്ചിരിക്കുന്നത്.
അതേസമയം മോട്ടോര്സൈക്കിളിന്റെ രജിസ്ട്രേഷന് രാജസ്ഥാനിലെ കോട്ട ആര്ടിഒയില് നിന്ന് പോലീസ് കണ്ടെത്തി. ബുണ്ടി റോഡ് ഹെര്ബല് ഗാര്ഡന് സമീപമാണ് സംഭവം. പിടിഐ റിപ്പോര്ട്ട് പ്രകാരം കൈത്തൂണ് ടൗണില് താമസിക്കുന്ന മുഹമ്മദ് വസീം (25) ആണ് പിടിയിലായത്. ഇയാള്ക്കും ഒപ്പം ഉണ്ടായിരുന്ന യുവതിക്കും എതിരെ എഫ്ഐആര് രജിസ്റ്റര് ചെയ്തതായി ട്വീറ്റില് പോലീസ് അറിയിച്ചു. 122/24 വകുപ്പ് 294 എ ഐപിസി പ്രകാരമാണ് കേസ് രജിസ്റ്റര് ചെയ്തിരിക്കുന്നത്.
सड़क पर बेशर्म जोड़े का बेशर्मी की सारी करने वाला वायरल वीडियो !!
हमारी युवा पीढी कोटा की सङको पर खूले आसमान के नीचे !!
कोटा पुलिस एक बार फट्टा फ्राई कर दे तो हजारो लबेरीयो को सीख मिल जायेगी !! #viralvideo #kota #Rajasthan @RajsamandPolice @BhajanlalBjp pic.twitter.com/NzQdbRw5Co— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) May 23, 2024
