മുകേഷ് അംബാനിയുമായി ബന്ധപ്പെട്ടിട്ടുള്ള എല്ലാ ആഘോഷങ്ങളും കാഴ്ച്ചക്കാര്ക്ക് വിസ്മയങ്ങളാണ്. രാജകീയ പ്രൗഢിയിലായിരുന്നു അംബാനി അംബാനി കുടുംബത്തിലെ ഇളയപുത്രന് ആനന്ദ് അംബാനിയുടെ പ്രീ വെഡ്ഡിംഗ് നടന്നത്. ആനന്ദ് അംബാനിയും രാധിക മെര്ച്ചന്റുമായുള്ള വിവാഹം ജുലൈ 12 ന് മുംബൈയില് വച്ചാണ് നടക്കുന്നത്. സേവ് ദി ഡേറ്റ് ക്ഷണക്കത്തിന്റെ ചിത്രങ്ങള് പുറത്തുവന്നതോടെയാണ് തീയതി വ്യക്തമായത്.
ഇപ്പോഴിതാ സേവ് ദ ഡേറ്റ് ക്ഷണക്കത്തിന്റെ ചിത്രം വൈറലാകുകയാണ്. ‘ശുഭ് വിവാഹ്’ എന്നാണ് ആ ചടങ്ങിനെ കുറിച്ച് ക്ഷണക്കത്തില് കൊടുത്തിരിക്കുന്നത്. തൊട്ടടുത്ത ദിവസം ‘ശുഭ് ആശിര്വാദ്’ ചടങ്ങ് നടക്കും. ദമ്പതികള് ബന്ധുക്കളുടേയും അതിഥികളുടേയും അനുഗ്രഹം തേടുന്നതാണ് ഈ ചടങ്ങ്. ജൂലൈ 14-നാണ് റിസപ്ഷന്. ‘മംഗള് ഉത്സവ്’ എന്ന പേരിലാണ് റിസപ്ഷന് നടക്കുക.
ചുവപ്പിലും സ്വർണ നിറത്തിലും ഡിസൈൻ ചെയ്തിരിക്കുന്ന കാർഡില് മൂന്നു ദിവസത്തെ ചടങ്ങുകളുടെ വിവരങ്ങളും രേഖപ്പെടുത്തിയിട്ടുണ്ട്. ഇന്ത്യൻ പരമ്പരാഗത വസ്ത്രങ്ങളും ഫോർമല് വസ്ത്രങ്ങളുമാണ് ഓരോ ദിവസത്തെയും ചടങ്ങിന് ഡ്രെസ് കോഡായി പറഞ്ഞിരിക്കുന്നത്. മൂന്നു ദിവസവും ഇന്ത്യൻ പാരമ്പര്യത്തെ മുറുകെ പിടിച്ചുള്ള വസ്ത്രങ്ങളാണ് ധരിക്കേണ്ടതെന്ന് കത്തില് കുറിച്ചിട്ടുണ്ട്.
മൂന്നു ദിവസം നീണ്ടുനില്ക്കുന്ന വിവാഹം മുംബൈയിലെ ജിയോ വേള്ഡ് കണ്വെൻഷൻ സെന്ററില് വച്ചാണ്. അംബാനി കുടുംബം കുറച്ച് അതിഥികള്ക്ക് സേവ് ദി ഡേറ്റിന്റെ ക്ഷണക്കത്ത് അയച്ചിട്ടുണ്ട്. ഔദ്യോഗിക ക്ഷണ പത്രിക ഉടനെ നല്കുമെന്നും ഇതിലുണ്ട്.
ജുലൈ 12 മുതല് ജുലൈ 14 വരെ മൂന്ന് ദിവസങ്ങളിലാണ് വിവാഹാഘോഷങ്ങള് നടക്കുന്നത്. ജൂലൈ 12 വെള്ളിയാഴ്ച പ്രധാന വിവാഹ ചടങ്ങുകളോടെ ആഘോഷങ്ങള് ആരംഭിക്കും. ജുലൈ 14 ഞായറാഴ്ച വിവാഹ സല്ക്കാരവും നടക്കും.
ഓരോ ചടങ്ങിനും അതിഥികള് വ്യത്യസ്തമായ വസ്ത്രങ്ങളും ധരിക്കണം. വിവാഹത്തിന് ഇന്ത്യന് പരമ്പരാഗത വസ്ത്രമാണ് ഡ്രസ്സ് കോഡ്. ശുഭ് ആശിര്വാദിന് ഇന്ത്യന് ഫോര്മലും റിസപ്ഷന് ഇന്ത്യന് ചിക്കും ഡ്രസ്സ് കോഡുകളാണ് ക്ഷണക്കത്തില് എഴുതിയിരിക്കുന്നത്.
ചുവപ്പും ഗോള്ഡും നിറങ്ങള് ചേര്ന്ന ട്രഡീഷണല് ഷെയ്ഡിലുള്ളതാണ് സേവ് ദ ഡേറ്റ് ക്ഷണക്കത്ത്. വിവാഹത്തിന്റെ ഔദ്യോഗിക ക്ഷണക്കത്ത് ഉടന് പുറത്തിറങ്ങുമെന്നാണ് സൂചന.
നിലവില് അംബാനി കുടുംബം ക്രൂയിസ് ഷിപ്പില് പ്രീ വെഡിംഗ് ആഘോഷങ്ങളിലാണ്. 31ന് പേരക്കുട്ടിയായ വേദയുടെ ജന്മദിനാഘോഷവും നടക്കും. ബോളിവുഡ് താരങ്ങളടക്കം വിവിധ മേഖലയിലെ 300 വിഐപി അതിഥികളെയാണ് ക്രൂയിസിലെ ആഘോഷങ്ങള്ക്ക് ക്ഷണിച്ചിരിക്കുന്നത്.
മെയ് 29-ന് പുറപ്പെട്ട കപ്പല് ജൂണ് ഒന്നിന് ഫ്രാന്സിലെത്തും. സല്മാന് ഖാന്, രണ്വീര് സിങ്ങ്, ആലിയ ഭട്ട്, രണ്ബീര് കപൂര്, സച്ചിന് തെണ്ടുല്ക്കര്, എംഎസ് ധോനി തുടങ്ങിയ സെലിബ്രിറ്റികളെല്ലാം ഈ കപ്പലിലുണ്ട്. വധൂവരന്മാരുടേയും അതിഥികളുടേയും സ്വകാര്യതയ്ക്ക് പ്രാധാന്യം നല്കി കപ്പലില് മൊബൈല് ഫോണ് ഉപയോഗിക്കുന്നതിന് നിയന്ത്രണമേര്പ്പെടുത്തിയിട്ടുണ്ട്. കപ്പിലിലെ ആഘോഷത്തിന് ശേഷം ലണ്ടനില് പാര്ട്ടിയും നടക്കും.
