പന്തീരാങ്കാവ് ഗാര്ഹിക പീഡന കേസില് ആരോപണം നിഷേധിച്ച് പരാതിക്കാരിയായ യുവതി . തന്നെ ആരും ഭീഷണിപ്പെടുത്തുന്നില്ലെന്നും താൻ സുരക്ഷിതയാണെന്നും പുതിയ വീഡിയോയിലൂടെ യുവതി വെളിപ്പെടുത്തി. വീട്ടില് നിന്ന് സമ്മര്ദം കൊണ്ടാണ് മാറി നില്ക്കുന്നത്. അമ്മയെ അറിയിച്ചിട്ടാണ് വീട്ടില് നിന്നും മാറി നില്ക്കുന്നത്.
പന്തീരാങ്കാവ് പോലീസ് താൻ പരാതി പറയാത്തതിനാലാണ് ആദ്യം കേസെടുക്കാതിരുന്നത്. തന്റെ ബന്ധുക്കള് പലഘട്ടത്തിലും ആശയക്കുഴപ്പമുണ്ടാക്കി. മാധ്യമങ്ങള്ക്ക് മുന്നില് കരഞ്ഞ് അഭിനയിക്കാൻ വീട്ടുകാര് നിര്ബന്ധിച്ചു. ചാര്ജര് കേബിള് വെച്ച് കഴുത്ത് ഞെരിച്ചുവെന്ന് പറഞ്ഞത് പച്ചക്കള്ളമാണ്. കഴുത്തിലുള്ളത് ജന്മനാ ഉള്ള പാടാണ്. അത് മര്ദനമേറ്റത് കൊണ്ടുണ്ടായത് അല്ല.
കയ്യില് ഉണ്ടായിരുന്ന പരിക്കും റിസപ്ഷൻ പാര്ട്ടിക്ക് ഡാന്സ് കളിച്ചപ്പോള് ഉണ്ടായതാണ്. ഇതാണ് താൻ മര്ദിച്ചതാണെന്ന് കാണിച്ചുകൊടുത്തത്. അന്ന് തനിക്ക് പക്വമായ നിലപാട് എടുക്കാൻ കഴിഞ്ഞില്ല. അതില് കുറ്റബോധമുണ്ടെന്നും അന്ന് രഹസ്യമൊഴി നൽകിയപ്പോൾ അച്ഛന്റെ സമ്മർദ്ദം കാരണം ആണ് കോടതിയോട് കള്ളം പറയേണ്ടി വന്നതെന്നും പുതിയ വീഡിയോയില് യുവതി പറഞ്ഞു.
