ഓരോ രാജ്യത്തും അവരുടേതായ ഓരോ നിയമങ്ങള് നിലനില്ക്കുന്നുണ്ട്. ഈ നിയമങ്ങള് എല്ലാം പാലിക്കാന് പൗരന്മാര് ബാധ്യസ്ഥരുമാണ്.
എന്നാല്, ഉത്തരവാദിത്വപ്പെട്ടവര് തന്നെ അത് ലംഘിക്കുന്ന കാഴ്ചയാണ് അടുത്ത കാലത്തായി പുറത്ത് വരുന്ന പല വീഡിയോകളിലും. ഇത്തരം വീഡിയോകളില് ആളുകള്ക്ക് നിയമസംവിധാനങ്ങളോടുള്ള ബഹുമാനം വ്യക്തമാകും. കഴിഞ്ഞ ദിവസം സമൂഹ മാധ്യമങ്ങളില് വൈറലായ ഒരു വീഡിയോയില് ഒരു യുവാവ് വാഹനത്തിന്റെ മുകളില് നിന്ന് നൃത്തം ചെയ്യുന്നത് കാഴ്ചയാണ് കാണാന് കഴിയുന്നത്.
പങ്കുവയ്ക്കപ്പെട്ട വീഡിയോയില് ജീപ്പിന് മുകളില് കയറി നിന്ന ഒരു യുവാവ് തന്റെ കൈയിലിരുന്ന ബിയര് കുപ്പിയില് നിന്നും ആളുകളുടെ നേര്ക്ക് ബിയര് ഒഴിക്കുന്നതുമാണ് കാണുന്നത്. അതൊരു പിറന്നാള് ആഘോഷമാണെന്ന് വ്യക്തമാക്കി വാഹനത്തിന്റെ ബോണറ്റിന്റെ മുകളില് ഒരു ബര്ത്ത്ഡേ കേക്ക് വച്ചിരുന്നു. വാഹനങ്ങള്ക്ക് ചുറ്റും അര്ദ്ധ നഗ്നരായ യുവാക്കള് പാട്ടിന്റെ താളത്തിനൊപ്പിച്ച് ചുവട് വച്ചു. വലിയ ശബ്ദത്തില് ആംബുലന്സ് സൈറണും വീഡിയോയില് കേള്ക്കാം. ഇതിനിടെ ഒരു യുവാവിനെ ചുമലിലേറ്റിയും ചിലര് ചുവട് വയ്ക്കുന്നത് കാണാം.
വീഡിയോയിലെ വാഹനങ്ങളിലേക്ക് സൂക്ഷിച്ച് നോക്കിയാല് അവയില് മൂന്ന് വാഹനങ്ങള്ക്ക് 'ഭാരത് സര്ക്കാര്' (ഇന്ത്യ ഗവണ്മെന്റ്) എന്ന സ്റ്റിക്കര് പതിച്ചിട്ടുണ്ടെന്ന് വ്യക്തമാകും. വിജനമായ ഒരു റോഡിന് നടക്കായിരുന്നു ബര്ത്ത് ഡേ ആഘോഷം. സംഗീതവും ലഹരിയുമായുള്ള ആഘോഷം പൊടിപൊടിച്ചു. പക്ഷേ, വീഡിയോ സമൂഹ മാധ്യമങ്ങളില് വൈറലായതിന് പിന്നാലെ നിരവധി പേര് വാഹനങ്ങളിലെ സര്ക്കാര് സ്റ്റിക്കര് ശ്രദ്ധിച്ചു. പിന്നാലെ പോലീസിന് ടാഗ് ചെയ്ത് കൊണ്ട് വീഡിയോ പങ്കുവയ്ക്കപ്പെട്ടു.
വീഡിയോ പങ്കുവച്ച് കൊണ്ട് അഞ്ചല് യാദവ് (നേഷന് പാരാമൗണ്ട്) എന്ന എക്സ് ഉപയോക്താവ് ഇങ്ങനെ എഴുതി, ' പോലീസ് സ്റ്റേഷന് കീഴില്, നോയിഡയിലെ തെരുവുകളില് പരസ്യമായി മദ്യപിച്ച് കലാപം സൃഷ്ടിക്കുന്നു. ഈ വാഹനത്തില് 'ഗവണ്മെന്റ് ഓഫ് ഇന്ത്യ' എന്ന് എഴുതിയിരിക്കുന്നു. നോയിഡ പോലീസ്, അദ്ദേഹം ഏത് സര്ക്കാര് വകുപ്പിലാണെന്ന് ചോദിക്കൂ. ഇത്തരക്കാര് ഏത് പാര്ട്ടിയില്പ്പെട്ടവരായാലും സര്ക്കാര് വകുപ്പുകളേയും കളങ്കപ്പെടുത്തുന്നു. നോയിഡ പോലീസ്, അവര്ക്കായി നിങ്ങള് ശരിയായ ക്രമീകരണങ്ങള് ചെയ്യുമെന്ന് ഞങ്ങള് പ്രതീക്ഷിക്കുന്നു.'
വീഡിയോ വൈറലായതില് പിന്നാലെ നോയിഡ ഡിസിപി വീഡിയോയോട് പ്രതികരിച്ചു കൊണ്ട് രംഗത്തെത്തി. 'ഇതുമായി ബന്ധപ്പെട്ട്, ആവശ്യമായ നടപടിയെടുക്കാന് പോലീസ് സ്റ്റേഷന് ചുമതലയുള്ള ഘട്ടം-1 ന് നിര്ദ്ദേശം നല്കിയിട്ടുണ്ട്.'മേല്പ്പറഞ്ഞ കേസുമായി ബന്ധപ്പെട്ട്, നോയിഡയിലെ ഫേസ്-1 പോലീസ് സ്റ്റേഷനില് ഒരു കേസ് രജിസ്റ്റര് ചെയ്തിട്ടുണ്ട്, വൈറലായ വീഡിയോയുമായി ബന്ധപ്പെട്ട വാഹനം പോലീസ് പിടിച്ചെടുത്തു. വീഡിയോയില് ഉള്പ്പെട്ടവരെ അറസ്റ്റ് ചെയ്യാനുള്ള നടപടികള് പുരോഗമിക്കുകയാണ്. നിയമനടപടി ഉടന് ഉണ്ടാകുമെന്ന് ഉറപ്പ് നല്കുന്നുവെന്ന് ഗൗതം ബുദ്ധ് നഗര് പോലീസ് കമ്മീഷണറേറ്റ് മറുപടിയുമായി രംഗത്തെത്തി.
थाना फेस 1 के अंर्तगत नोएडा की सड़को में खुलेआम शराब पीकर हुरदंग मचाया जा रहा है.
गाड़ी पर भारत सरकार लिखा हुआ है इन लोगो से @noidapolice ये पूछिए ये कौन से सरकारी विभाग में है.
ऐसे लोग जिस भी पार्टी से होते है उसकी और सरकारी विभागों की छवि खराब करते है.@noidapolice उम्मीद… pic.twitter.com/AnOYNJ3Gkn— आँचल यादव (राष्ट्र सर्वोपरि)🇮🇳 (@AnchalTv) June 13, 2024
