സ്ത്രീകള് ജോലിചെയ്യാത്ത മേഖലകള് ഇന്ന് വളരെ കുറവാണ്. കാരണം എല്ലാ മേഖലകളിലും സ്ത്രീകള് തങ്ങളുടെ സാന്നിധ്യം ഉറപ്പിച്ചുക്കഴിഞ്ഞു. കുടുംബത്തെയും കുട്ടികളെയും നോക്കി വീട്ടില് ചിലവഴിക്കുക എന്ന പാരമ്പര്യ ആചാരത്തെ കീറി മുറിച്ചുകൊണ്ട് ഇന്ന് എല്ലാ സ്ത്രീകളും സ്വയംപര്യാപതരാകാനുള്ള പ്രാപ്തി നേടിക്കഴിഞ്ഞു. വാര്ധക്യത്തിലും ഇത്തരത്തില് ജോലി ചെയ്യുന്ന നിരവധി സ്ത്രീകളെ നാം കണ്ടിട്ടുണ്ട്. ഹെലന് ആന്റനൂച്ചിയെ സംബന്ധിച്ചും പ്രായം വെറുമൊരു നമ്പര് മാത്രമാണ്. മസാച്യുസെറ്റ്സിലെ ബോസ്റ്റണില് നിന്നുള്ള ഹെലന് 81 വയസ്സായി. എന്നാല്, ഇപ്പോഴും ഒരു ട്രെയിന് ഡ്രൈവറായി ജോലി ചെയ്യുകയാണ് അവര്.
മസാച്യുസെറ്റ്സ് ബേ ട്രാന്സ്പോര്ട്ടേഷന് അതോറിറ്റി (MBTA) യുടെ ബ്ലൂ ലൈനിലാണ് അവര് ജോലി ചെയ്യുന്നത്. അടുത്തിടെ അവരെ അതോറിറ്റി ആദരിക്കുകയും ചെയ്തു. 1995 മുതല് 53 വയസ്സുള്ളപ്പോള് മുതലാണ് ഹെലന് ട്രെയിനുകള് ഓടിക്കാന് തുടങ്ങിയത്. ലോകത്തിലെ ഏറ്റവും പ്രായം കൂടിയ ട്രെയിന് ഡ്രൈവറായി ഗിന്നസ് ബുക്ക് ഓഫ് വേള്ഡ് റെക്കോര്ഡ്സും ഔദ്യോഗികമായി അംഗീകരിച്ചിട്ടുണ്ട്. ഒരു സഹപ്രവര്ത്തകനാണ് ഗിന്നസ് ബുക്കിലേക്ക് അവള്ക്ക് വേണ്ടി അപേക്ഷ നല്കിയത്. ഇത് ഔദ്യോഗികമായി അംഗീകരിക്കുന്നത് വരെ ഹെലന് പോലും അറിഞ്ഞിരുന്നില്ല.
'എനിക്ക് ഈ ഗിന്നസ്ബുക്ക് അംഗീകാരത്തെ കുറിച്ചൊന്നും അറിയില്ല. ഞാന് എല്ലാ ദിവസവും രാവിലെ എഴുന്നേറ്റ് എന്റെ ജോലിക്ക് പോകും. ഇതൊരു മനോഹരമായ യാത്രയാക്കി മാറ്റാന് എന്നെ പിന്തുണച്ച സഹപ്രവര്ത്തകര്ക്കും കുടുംബാംഗങ്ങള്ക്കും സുഹൃത്തുക്കള്ക്കും നന്ദി പറയുന്നു' എന്നാണ് ഹെലന് പറഞ്ഞത്. തനിക്ക് അഞ്ച് പെണ്മക്കളാണ്. വീട്ടിലെ ബഹളത്തില് നിന്നും പുറത്ത് കടക്കാന് വേണ്ടിയാണ് താനീ ജോലിക്ക് പോയിത്തുടങ്ങിയത് എന്നും ഹെലന് പറയുന്നു. ഇതിനോടകം തന്നെ ട്രെയിന് ഡ്രൈവറെന്ന നിലയില് യാത്രക്കാര്ക്കും മറ്റുള്ളവര്ക്കും ഏറെ പരിചിതയായി മാറിക്കഴിഞ്ഞു ഹെലന്. തന്നോട് അതോറിറ്റി ജോലി നിര്ത്താന് ആവശ്യപ്പെടുന്നത് വരെ താന് ജോലി ചെയ്യും, വിരമിക്കാന് ഇപ്പോഴൊന്നും പ്ലാനില്ല എന്നും ഹെലന് പറയുന്നു.
മസാച്യുസെറ്റ്സ് ബേ ട്രാന്സ്പോര്ട്ടേഷന് അതോറിറ്റി (MBTA) യുടെ ബ്ലൂ ലൈനിലാണ് അവര് ജോലി ചെയ്യുന്നത്. അടുത്തിടെ അവരെ അതോറിറ്റി ആദരിക്കുകയും ചെയ്തു. 1995 മുതല് 53 വയസ്സുള്ളപ്പോള് മുതലാണ് ഹെലന് ട്രെയിനുകള് ഓടിക്കാന് തുടങ്ങിയത്. ലോകത്തിലെ ഏറ്റവും പ്രായം കൂടിയ ട്രെയിന് ഡ്രൈവറായി ഗിന്നസ് ബുക്ക് ഓഫ് വേള്ഡ് റെക്കോര്ഡ്സും ഔദ്യോഗികമായി അംഗീകരിച്ചിട്ടുണ്ട്. ഒരു സഹപ്രവര്ത്തകനാണ് ഗിന്നസ് ബുക്കിലേക്ക് അവള്ക്ക് വേണ്ടി അപേക്ഷ നല്കിയത്. ഇത് ഔദ്യോഗികമായി അംഗീകരിക്കുന്നത് വരെ ഹെലന് പോലും അറിഞ്ഞിരുന്നില്ല.
'എനിക്ക് ഈ ഗിന്നസ്ബുക്ക് അംഗീകാരത്തെ കുറിച്ചൊന്നും അറിയില്ല. ഞാന് എല്ലാ ദിവസവും രാവിലെ എഴുന്നേറ്റ് എന്റെ ജോലിക്ക് പോകും. ഇതൊരു മനോഹരമായ യാത്രയാക്കി മാറ്റാന് എന്നെ പിന്തുണച്ച സഹപ്രവര്ത്തകര്ക്കും കുടുംബാംഗങ്ങള്ക്കും സുഹൃത്തുക്കള്ക്കും നന്ദി പറയുന്നു' എന്നാണ് ഹെലന് പറഞ്ഞത്. തനിക്ക് അഞ്ച് പെണ്മക്കളാണ്. വീട്ടിലെ ബഹളത്തില് നിന്നും പുറത്ത് കടക്കാന് വേണ്ടിയാണ് താനീ ജോലിക്ക് പോയിത്തുടങ്ങിയത് എന്നും ഹെലന് പറയുന്നു. ഇതിനോടകം തന്നെ ട്രെയിന് ഡ്രൈവറെന്ന നിലയില് യാത്രക്കാര്ക്കും മറ്റുള്ളവര്ക്കും ഏറെ പരിചിതയായി മാറിക്കഴിഞ്ഞു ഹെലന്. തന്നോട് അതോറിറ്റി ജോലി നിര്ത്താന് ആവശ്യപ്പെടുന്നത് വരെ താന് ജോലി ചെയ്യും, വിരമിക്കാന് ഇപ്പോഴൊന്നും പ്ലാനില്ല എന്നും ഹെലന് പറയുന്നു.
Comments