ചെന്നൈ; തമിഴ്നാട് അരിയ്ലൂരില് പിഞ്ചുകുഞ്ഞിനെ മുത്തച്ഛന് ശുചിമുറിയിലെ വെള്ളത്തില് മുക്കിക്കൊന്നു. കൊലപാതകം നടത്തിയത് ജ്യോതിഷിയുടെ നിര്ദേശത്തിനെ തുടര്ന്നായിരുന്നു. 38 ദിവസം മാത്രം പ്രായമുള്ള ആണ്കുഞ്ഞിനെയാണ് കൊലപ്പെടുത്തിയത്.മുത്തശ്ശനെ പോലീസ് അറസ്റ്റ് ചെയ്തു.
ചിത്തിരമാസത്തിലുണ്ടായ കുഞ്ഞ് കുടുംബത്തിന് ദോഷമാകുമെന്ന് കരുതിയാണ് മുത്തച്ഛന് കൊലപാതകം നടത്തിയത്. ജ്യോതിഷുടെ നിര്ദേശപ്രകാരമാണ് കൃത്യം നടത്തിയതെന്ന് പ്രതി പൊലീസില് മൊഴി നല്കി.
മൂന്ന് ദിവസം മുന്പാണ് കുട്ടിയെ കുളിമുറിയിലെ ബാരലിനുള്ളില് മരിച്ച നിലയില് കണ്ടെത്തിയത്. ആദ്യഘട്ടത്തില് കുഞ്ഞ് മരിച്ചത് എങ്ങനയെന്ന് സംശയമുയര്ന്നതോടെ മുത്തച്ഛന് ഉള്പ്പടെയാണ് അന്വേഷണം ആവശ്യപ്പെട്ട് പൊലീസില് പരാതി നല്കിയത്. തുടര്ന്ന് നടത്തിയ അന്വേഷണത്തിലാണ് മുത്തച്ഛനാണ് കൊലപാതകം നടത്തിയതെന്ന് പൊലീസ് കണ്ടെത്തിയത്. ജ്യോതിഷിക്കെതിരെ കേസ് എടുത്തിട്ടുണ്ടെങ്കിലും അദ്ദേഹത്തെ അറസ്റ്റ് ചെയ്തിട്ടില്ല.
