വവ്വാല് എന്ന് കേള്ക്കുമ്പോള് തന്നെ ആളുകള്ക്ക് പേടിയാണ്. കാരണം ഇവ വിതയ്ക്കുന്ന ഭീതി ചെറുതൊന്നുമല്ല. പഴങ്കഥകളില് വവാലുകള് പ്രേതങ്ങള്ക്കും സാത്താനും ഡ്രാക്കുളയ്ക്കും ഒപ്പം വന്നു. വര്ത്തമാന കാലത്താകട്ടെ മനുഷ്യന് ഹാരീകരമായ നിരവധി വൈറസുകളെ വഹിച്ച് ഭീതി പരത്തി. എന്നാല് ഇതിനെല്ലാം ഇടയിലാണ് ഇന്തോനേഷ്യയില് ഒരു വീട്ടമ്മ തന്റെ കുടുംബത്തിന് വേണ്ടി വവ്വാല് സൂപ്പ് ഉണ്ടാക്കിയത്. ഇതിന്റെ അമ്പരപ്പിക്കുന്ന ദൃശ്യങ്ങളാണ് ഇപ്പോള് സോഷ്യല് മീഡിയ ഉപഭോക്താക്കളില് അസ്വസ്ഥതയുളവാക്കിയത്.
ഇന്തോനേഷ്യയിലെ നോര്ത്ത് കലിമന്തര് ദയാക് വില്ലേജിലെ സാഹസികതകള് പങ്കുവയ്ക്കുന്ന എല്വി കെരായൗവിന്റെ സമൂഹ മാധ്യമ പേജായ ഇമാക് പാന്ജെറാന് എന്ന ഇന്സ്റ്റഗ്രാം പേജില് നിന്നാണ് വീഡിയോ പങ്കുവയ്ക്കപ്പെട്ടത്. നിരവധി ജീവികളെ എന്നതിനേക്കാള് തങ്ങളുടെ ചുറ്റുപാട് നിന്നും കണ്ടെത്തുന്ന എല്ലാ ജീവികളെയും എല്വി കൊന്ന് കറിവയ്ക്കുകയും ഇതിന്റെ ദൃശ്യങ്ങള് പങ്കുവയ്ക്കുകയും ചെയ്യുന്നു.
ഇന്തോനേഷ്യയിലെ ഏറ്റവും പുരാതനമായ വംശീയ വിഭാഗങ്ങളിലൊന്നാണ് എല്വിയുടേത്. തവളയും ആമയും മത്സ്യങ്ങളും അണ്ണാനകളും എന്ന് വേണ്ട കണ്ണില് കണ്ട കൈയ്യില് കിട്ടിയ എല്ലാ ജീവികളെയും അവര് തങ്ങളുടെ ആഹാരമാക്കുന്നു. അവ കുടുംബത്തോടൊപ്പം ആസ്വദിച്ച് കഴിക്കുകയും ചെയ്യുന്നു. വൈറലായ വവ്വാല് സൂപ്പിന്റെ വീഡിയോയ്ക്ക് താഴെ നിരവധി ആളുകള് എബോള, കോവിഡ് എന്ന് എഴുതിയപ്പോള് മലയാളികള് നിപ്പ എന്നും എഴുതി.
അടുത്ത കാലത്തായി ലോകം മൊത്തമുള്ള മനുഷ്യരെ ബാധിച്ച കൊവിഡും മാര്ബര്ഗ് വൈറസും ആഫ്രിക്കന് രാജ്യങ്ങളില് ഭീതി പടര്ത്തിയ എബോളയും കേരളത്തില് ഭയം വിതറിയ നിപ്പയഒം വവ്വാലുമായുള്ള സമ്പര്ക്കത്തില് നിന്ന് മനുഷ്യരിലേക്ക് പടര്ന്ന രോഗങ്ങളാണെന്നാണ് ആരോഗ്യ വകുപ്പിന്റെ റിപ്പോര്ട്ടുകള് പറയുന്നത്. ഈ ഭയം വീഡിയോയ്ക്ക് താഴെയുള്ള കമന്റുകളില് കാണാമായിരുന്നു.
