ട്രോളിങ് നിരോധന നിയമങ്ങള് ലംഘിച്ചും വ്യാജ കളര്കോഡ് അടിച്ചതുമായ തമിഴ്നാട് രജിസ്ട്രേഷന് ഉള്ള യാനങ്ങള് ഫിഷറീസ് മറൈന് എന്ഫോഴ്സ്മെന്റ് പിടിച്ചെടൃത്തു. ചാവക്കാട് ബ്ലാങ്ങാട് കടപ്പുറത്ത് കൂട്ടമായി എത്തിയ വള്ളങ്ങളാണ് കേന്ദ്ര സര്ക്കാര് നിഷ്കര്ച്ച പച്ച കളര്കോഡ് മാറ്റി, കേരള യാനങ്ങള്ക്ക് അനുവദിച്ച നീല കളര്കോഡ് അടിച്ച് കേരള വള്ളങ്ങള് എന്ന വ്യാജേന മത്സ്യബന്ധനം നടത്താനൊരുക്കിയത്.
ഫിഷറീസ് മറൈന് എന്ഫോഴ്സ്മെന്റ് ഉദ്യോഗസ്ഥര് കന്യാകുമാരി കൊളച്ചല് സ്വദേശികളായ ഹിറ്റ്ലര് തോമസ്, സഹായ സര്ച്ചില്, സ്റ്റാന്ലി പോസ്മസ് എന്നിവരുടെ ഉടമസ്ഥതയിലുള്ള യാനങ്ങളാണ് ബ്ലാങ്ങാട് നിന്ന് പിടിച്ചെടുത്തത്. ഈ യാനങ്ങള്ക്ക് 60,000 രൂപ പിഴ ഈടാക്കി, ഉടമസ്ഥര്ക്ക്കസ്റ്റഡില് സൂക്ഷിച്ചിരുന്ന എട്ട് എഞ്ചിനുകളും യാനങ്ങളും വിട്ടു നല്കി.
തൃശ്ശൂർ ജില്ലയുടെ തെക്കേ അതിര്ത്തിയായ അഴീക്കോട് മുതല് വടക്കേ അതിര്ത്തിയായ കാപ്രിക്കാട് വരെയുള്ള തീരക്കടലിലും ആഴക്കടലിലും നിരീക്ഷണം ശക്തമാക്കി വരവേയാണ് കന്യാകുമാരി ഭാഗത്ത് നിന്ന് വന്ന മൂന്ന് ഫൈബര് വഞ്ചികള് ചാവക്കാട് ബ്ലാങ്ങാട് പിടിച്ചെടുത്തത്.
