താരസംഘടന ‘അമ്മ’യുടെ വാർഷിക പൊതുയോഗത്തിന്റെ ചിത്രങ്ങളാണ് സോഷ്യല് മീഡിയയിലൂടെ വൈറലായിരിക്കൊണ്ടിരിക്കുന്നത്. കൊച്ചി ഗോകുലം കൺവെൻഷൻ സെന്ററിൽ രാവിലെ 10 മണിക്ക് നടന്ന യോഗത്തില് അമ്മയുടെ അംഗങ്ങളെല്ലാം പങ്കെടുത്തിരുന്നു. ഓരോരുത്തരും തങ്ങളുടെ സോഷ്യല് മീഡിയയിലൂടെ സഹതാരങ്ങള്ക്കൊപ്പമുള്ള ചിത്രങ്ങളും സന്തോഷ നിമിഷങ്ങളും പങ്കുവയ്ക്കുന്നുണ്ട്. തങ്ങളിഷ്ടപ്പെടുന്ന താരങ്ങളുടെ ചിത്രങ്ങളും വീഡിയോയും ആവേശത്തോടെയാണ് ആരാധകര് ഏറ്റെടുക്കുന്നത്.
ഇപ്പോഴിതാ മീറ്റിംഗില് നിന്നുള്ള രസകരമായ ചില നിമിഷങ്ങള് പങ്കിടുകയാണ് രചന നാരായണന്കുട്ടി. വീഡിയോയില് തങ്ങള്ക്കിഷ്ടപ്പെട്ട ബിന്ദു ചേച്ചി വേദിയില് പാടുന്നതും രചന, ദേവി ചന്ദന, മഞ്ജു പിള്ള എന്നിവരടക്കം പ്രോത്സാഹനം നല്കുന്നതും വീഡിയോയില് കാണാം. ‘‘ഇതാവണം പ്രോത്സാഹന കമ്മിറ്റി. ... തളർത്തില്ല. .. കൂടെ പാടി നമ്മൾ പിടിച്ചെഴുന്നേൽപ്പിച്ചു കൊണ്ടുവരും! ബിന്ദു ചേച്ചിക്ക് ഞങ്ങളെ കൊണ്ട് പറ്റുന്ന എല്ലാ സപ്പോർട്ട് ഉം നൽകി അങ്ങനെ ഞങ്ങൾ 30-ാമത്തെ അമ്മ ജനറൽ ബോഡി മീറ്റിംഗ് ആഘോഷമാക്കി...അടിച്ചു കേറി വാ മക്കളെ...’’ എന്നണ് വീഡിയോയ്ക്കൊപ്പം രചന കുറിച്ചിരിക്കുന്നത്. വീഡിയോയില് ഇവര് കൂട്ടത്തില് പാടുന്നതും നൃത്തം ചെയ്യുന്നതും ആവേശത്തോടെ പ്രോത്സാഹിപ്പിക്കുന്നതും കാണാം.
