ഏറ്റവും കടുത്ത സുരക്ഷ ഏര്പ്പെടുത്തുന്ന ഇടങ്ങളില് ഒന്നാണ് വിമാനത്താവളങ്ങള്. അതുകൊണ്ട് തന്നെ നമ്മുടെ കയ്യിലുള്ള ഓരോ വസ്തുവും പരിശോധിക്കപ്പെട്ട ശേഷം മാത്രമേ നമുക്ക് വിമാനത്തില് യാത്ര ചെയ്യാന് സാധിക്കൂ. സംശയം തോന്നുന്ന ഒന്നും എയര്പോര്ട്ടിലെ ജീവനക്കാര് സൂക്ഷ്മമായി പരിശോധിക്കാതെ വിടാറില്ല. സമാനമായി കാനഡയിലെ എയര്പോര്ട്ടില് തനിക്കുണ്ടായ അനുഭവം വെളിപ്പെടുത്തിയിരിക്കുകയാണ് ഇവിടെ ഒരു യുവതി.
ലൂസിയ എന്ന യുവതിയാണ് എയര്പോര്ട്ടില് തനിക്കുണ്ടായ വിചിത്രമായ അനുഭവത്തെ കുറിച്ച് എക്സില് (ട്വിറ്ററില്) കുറിച്ചത്. തന്റെ കയ്യിലുണ്ടായിരുന്ന പവര് ബാങ്ക് മറ്റെന്തോ ആണെന്ന് തെറ്റിദ്ധരിച്ച എയര്പോര്ട്ട് ജീവനക്കാര് തന്നോട് ചില ചോദ്യങ്ങള് ചോദിച്ചു എന്നും യുവതി പറയുന്നുണ്ട്. എയര്പോര്ട്ടില് വച്ച് തന്റെ കയ്യിലുണ്ടായിരുന്ന പവര് ബാങ്ക് തെറ്റിദ്ധരിക്കപ്പെട്ടു എന്നും തന്നോട് ജീവനക്കാര് ചില ചോദ്യങ്ങളൊക്കെ ചോദിച്ചു എന്നുമാണ് യുവതി പറയുന്നത്. 'എയര്പോര്ട്ടിലെ സെക്യൂരിറ്റിയില് എന്നെ തടഞ്ഞു. അവര് എന്നോട് ഒരു എന്റെ കയ്യില് കത്തി എന്തെങ്കിലും ഉണ്ടോ എന്ന് ചോദിച്ചു. എന്റെ കയ്യില് ഇല്ലായിരുന്നു. അപ്പോള് എന്റെ ബാക്ക്പാക്കില് സെക്സ് ടോയ് ഉണ്ടോ എന്ന വിചിത്രമായ ചോദ്യം അവര് ചോദിച്ചു. ഞാന് പരിഭ്രാന്തയായി' എന്നാണ് അവള് പറയുന്നത്. Diablo III Soulstone Power Bank ആയിരുന്നു അത് എന്നും യുവതി പറയുന്നുണ്ട്.
നിമിഷ നേരങ്ങള്ക്കുള്ളിലാണ് ട്വീറ്റ് വൈറലായത്. നിരവധി പേരാണ് കമന്റുകളുമായി എത്തിയത്. തനിക്കും സമാനമായ അനുഭവമുണ്ടായി എന്ന് ഒരു യൂസര് എഴുതി. 'ഈ പവര് ബാങ്ക് കണ്ടപ്പോള് തന്നെ അവര് തള്ളിമാറ്റുകയും ഇതെന്താണ് എന്ന് ചോദിക്കുകയും ചെയ്തു' എന്നാണ് കമന്റ്. 'ഇതിന് ചിരിക്കരുത് എന്ന് അറിയാം എന്നാലും ഞാന് ചിരിച്ചുപോയി' എന്നായിരുന്നു മറ്റൊരാളുടെ കമന്റ്.
I got stopped at security at the airport and they asked me if I had a knife, which of course I didn’t. Then they awkwardly asked if I had a “self pleasuring device” in my backpack and I was HORRIFIED
….Turns out it was my Blizzcon exclusive Diablo III Soulstone Power Bank 😔 pic.twitter.com/GThkfCCkxu— lucia 🇦🇷🇨🇦 now looking for work! (@luciadreri) July 1, 2024
