ഹൈദരാബാദ്: അടുത്തിടെ സമാപിച്ച ടി20 ലോകകപ്പ് ചാംപ്യന്ഷിപ്പില് കിരീടമണിഞ്ഞ ഇന്ത്യന് ടീമിലെ സ്പിന്നര് കുല്ദീപ് യാദവ് ബോളിവുഡ് നടിയുമായി വിവാഹിതനാകുമെന്ന വാര്ത്തകള് അടുത്തിടെ ശക്തമായിരുന്നു. ഇതിനിടയിലാണ് കപ്പുയര്ത്തിയ ശേഷം ലോക ചാമ്പ്യന് ടീം അംഗമായി അദ്ദേഹം ഉത്തര്പ്രദേശിലെ സ്വന്തം നാടായ കാണ്പൂരില് എത്തിയത്. പടക്കം പൊട്ടിച്ചും നൃത്തം ചെയ്തും ധോലുമായിയാണ് നാട്ടുകാര് അദ്ദേഹത്തെ സ്വീകരിച്ചു. ടി20 ലോകകപ്പില് 10 വിക്കറ്റ് വീഴ്ത്തി ടീമിന്റെ വിജയത്തില് നിര്ണായക പങ്ക് വഹിച്ച അദ്ദേഹം വിവാഹം ഉള്പ്പെടെയുള്ള ജീവിതത്തിലെ ചില നിര്ണ്ണായക കാര്യങ്ങളെക്കുറിച്ച് വ്യക്തമായി അഭിപ്രായപ്പെട്ടിരുന്നു.
ലോകകപ്പ് കഴിഞ്ഞെത്തിയ അദ്ദേഹത്തിന്റെ വിവാഹവാര്ത്ത ഇന്ത്യന് ക്രിക്കറ്റ് വേദിയിലെ വലിയ ചര്ച്ചയുമായിരുന്നു. അദ്ദേഹം ഉടന് ഒരു ബോളിവുഡ് നടിയെ ഉടന് വിവാഹം കഴിക്കുമെന്നായിരുന്നു പുറത്തുവന്ന റിപ്പോര്ട്ടുകള്. എന്നാല് മാധ്യമങ്ങളോട് സംസാരിക്കവെ ഇന്ത്യന് സ്പിന്നര് വാര്ത്ത നിഷേധിച്ചു. ''നിങ്ങള് ഉടന് തന്നെ ആ സന്തോഷവാര്ത്ത കേള്ക്കാനിടയാകും. പക്ഷേ ഞാന് വിവാഹം കഴിക്കുന്നത് ബോളിവുഡില് നിന്നുള്ള ഒരാളെയല്ല.'' താരം പറഞ്ഞു. ''എന്നെയും എന്റെ കുടുംബത്തെയും പരിപാലിക്കുന്ന ഒരാളെയായിരിക്കും.'' താരം പറഞ്ഞു. നേരത്തേ കുല്ദീപും ഒരു ബോളിവുഡ് നടിയും ഒരുമിച്ച് പുറത്തേക്ക് പോകുന്നത് പോലെ തോന്നിക്കുന്ന ചില ചിത്രങ്ങള് സോഷ്യല് മീഡിയയില് വൈറലായതിന് പിന്നാലെയാണ് താരം ബോളിവുഡിലെ നടിയുമായി ഡേറ്റിംഗിലാണെന്ന തരം റിപ്പോര്ട്ടുകള് പുറത്തുവന്നത്.
സ്വന്തം നാട്ടിലേക്ക് തിരിച്ച കുല്ദീപ് യാദവ് യുപി മുഖ്യമന്ത്രി യോഗി ആദിത്യനാഥുമായി കൂടിക്കാഴ്ച നടത്തിയിരുന്നു. ജൂണിനെ ഒരു പ്രത്യേക മാസമായി വിശേഷിപ്പിച്ചുകൊണ്ട് 29 കാരനായ റിസ്റ്റ് സ്പിന്നര് 'എക്സില്' എഴുതി, ''എന്റെ എല്ലാ സഹ ഇന്ത്യക്കാര്ക്കും ജൂണ് മാസം എനിക്കും ഞങ്ങള്ക്കെല്ലാവര്ക്കും പ്രത്യേകമാണ്. ഒരുമിച്ച്, ഞങ്ങള് ഒരു സ്വപ്നം സാക്ഷാത്കരിച്ചു. വളരെക്കാലമായി പിന്തുടരുന്ന എന്റെ ടീമംഗങ്ങള്ക്കും, സപ്പോര്ട്ട് സ്റ്റാഫിനും, തീര്ച്ചയായും ഞങ്ങളുടെ ഏറ്റവും വലിയ ശക്തിക്കും, ടൂര്ണമെന്റിലുടനീളം ഞങ്ങളെ പിന്തുണച്ച ആരാധകര്ക്കും നന്ദി പറയാന് ഞാന് ആഗ്രഹിക്കുന്നു. നിങ്ങളുടെ കുടുംബവും സുഹൃത്തുക്കളും ജീവിതകാലം മുഴുവന് ഞങ്ങളോടൊപ്പം വിലമതിക്കും.''
