മലയാള കുടുംബപ്രേക്ഷകര്ക്ക് ഏറെയിഷ്ടമുള്ള താരദമ്പതിമാരാണ് പേര്ളി മാണിയും ശ്രീനിഷ് അരവിന്ദും. അവതാരകയും അഭിനേത്രിയുമൊക്കെയായ പേര്ളിയും അഭിനേതാവായ ശ്രീനിഷും തിളങ്ങി നില്ക്കുന്ന താരങ്ങളാണ്. രണ്ടു പേരും ബിഗ് ബോസ് മലയാളം സീസണിലൂടെ പ്രണയിച്ച് വിവാഹം കഴിച്ച് പ്രേക്ഷകരുടെ മനസ്സിലിടം നേടിയ താരങ്ങളാണിവര്. ഇവരുടെ പ്രണയം കുടുംബപ്രേക്ഷകര് ബിഗ് ബോസിലൂടെ ഏറെ ആസ്വദിച്ചതാണ്. താരങ്ങളുടെ വിവാഹവും ആരാധകര് ഏറെ ആഘോഷമാക്കിയതാണ്. രണ്ടു മക്കളാണ് ഇവര്ക്ക്, നിളയും നിതാരയും. മക്കളുടെ വിശേഷങ്ങളും സന്തോഷങ്ങളും കുസൃതികളുമടക്കം എല്ലാ വിശേഷങ്ങളും യൂട്യൂബ് ചാനലിലൂടെയും സോഷ്യല് മീഡിയയിലൂടെയും ഇവര് രണ്ടാളും എപ്പോഴും പങ്കിടാറുണ്ട്.
ഇപ്പോഴിതാ രണ്ടുപേരും ഒരുമിച്ചുള്ള സ്റ്റൈലിഷ് ചിത്രങ്ങള് പങ്കിട്ടിരിക്കുകയാണ് പേര്ളി. ‘‘കണ്ണാടി, ചുമരിലെ കണ്ണാടി. ഇവരിൽ ആരാണ് ഏറ്റവും അടിപൊളി...’’ എന്ന ക്യാപ്ഷനും നല്കിയാണ് പേര്ളി ചിത്രങ്ങള് പങ്കുവച്ചിരിക്കുന്നത്. മിറര് സെല്ഫി ചിത്രങ്ങളാണ് താരദമ്പതിമാര് പങ്കുവച്ചിരിക്കുന്നത്. കൂള് അടിപൊളി ലുക്കിലുള്ള താരങ്ങളുടെ ചിത്രങ്ങള് ഏറ്റെടുത്തിരിക്കുകയാണ് ആരാധകര്.
