കോഴിക്കോട്: പി.എസ്.സി. അംഗത്വം വാഗ്ദാനംചെയ്ത് സി.പി.എം. നേതാവ് വാങ്ങിയ 20 ലക്ഷം രൂപ തിരികെ ലഭിച്ചെന്ന് ആരോപണം ഉന്നയിച്ച ഡോക്ടറുടെ ഭര്ത്താവ്. പണം തിരികെ കിട്ടിയതിനാല് പരാതി ഇല്ലെന്നും ഡോക്ടറുടെ ഭര്ത്താവ് പോലീസിന് മൊഴി നല്കി. ഇൗ മൊഴിയുടെ കാര്യം അറിഞ്ഞിട്ടാണ് സി.പി.എം നേതൃത്വം പരാതി ഇല്ലെന്ന് അവകാശപ്പെട്ടത്.
സി.പി.എം. നേതാവ് പ്രമോദ് കോട്ടൂളിക്ക് എതിരേയാണ് ആരോപണം ഉയര്ന്നത്. പി.എസ്.സി അംഗമാക്കാമെന്ന വാഗ്ദാനം നല്കി തങ്ങളില്നിന്ന് 22 ലക്ഷം രൂപ കോഴ വാങ്ങിയെന്നായിരുന്നു കോഴിക്കോട്ടെ ഹോമിയോ ഡോക്ടര് ദമ്പതികളുടെ പരാതി. 60 ലക്ഷമാണ് ചോദിച്ചതെന്നും 22 ലക്ഷം കൈമാറിയെന്നുമെന്നുമാണ് ആരോപണം.
ആരോപണം പ്രമോദ് കോട്ടൂളി കഴിഞ്ഞ ദിവസം തള്ളിയിരുന്നു. പ്രമോദ് കോട്ടൂളിയെ പാര്ട്ടിയിലെ സ്ഥാനങ്ങളില് നിന്ന് നീക്കിയേക്കും. പ്രമോദിനെതിരായ അനേ്വഷണ കമ്മിഷന് റിപ്പോര്ട്ട് ജില്ലാ കമ്മിറ്റിക്ക് കൈമാറി.
ജില്ലാ കമ്മിറ്റി അംഗങ്ങളായ എം.ഗിരീഷ്, കെ. കെ. ദിനേശന്, മാമ്പറ്റ ശ്രീധരന്, പി.കെ. മുകുന്ദന് എന്നിവര് അടങ്ങുന്ന നാലംഗ കമ്മിഷനാണ് ആരോപണം സംബന്ധിച്ച് അനേ്വഷണം നടത്തി റിപ്പോര്ട്ട് സമര്പ്പിച്ചത്.
അനേ്വഷണ കമ്മിഷന് മുന്പാകെ പ്രമോദ് കോട്ടൂളി കുറ്റം ഏറ്റുപറഞ്ഞതായി അറിയുന്നു. ചൊവ്വാഴ്ച പ്രമോദില്നിന്ന് കമ്മിഷന് വിശദീകരണം എഴുതി വാങ്ങിയിരുന്നു. പ്രമോദിനെതിരായ നടപടി 13ന് ചേരുന്ന സി.പി.എം. കോഴിക്കോട് ജില്ലാ സെക്രട്ടേറിയറ്റില് റിപ്പോര്ട്ട് ചെയ്യും.
