മണിമല: വെള്ളാവൂര് പഞ്ചായത്ത് എട്ടാം വാര്ഡംഗം വിനോദ് ജി. പിള്ളയാണു പഞ്ചായത്തിലെ യു.ഡി ക്ലര്ക്ക് പാമ്പാടി പൂതക്കുഴിയി ശ്രീകൃഷ്ണസദനത്തില് മൗഷ്മി ആര്. നായരെ ജീവിത സഖിയാക്കിയത്.
അവിവാഹിതനായി 45 വയസ് കഴിഞ്ഞിട്ടും അനുയോജ്യമായ വധുവിനെ കണ്ടെത്താതിരുന്നതോടെ മറ്റു മെമ്പര്മാരും ജീവനക്കാരും വിനോദിന്റെ പാതിയെ പഞ്ചായത്തില് നിന്നു തന്നെ കണ്ടെത്തി നല്കുകയായിരുന്നു.
ഇരുവരുടേയും വീട്ടുകാരുമായും ജീവനക്കാരും അംഗങ്ങളും സംസാരിച്ചപ്പോള് വീട്ടുകാര്ക്കും സമ്മതമായിരുന്നു. മൗഷ്മിയുടെ ആദ്യ വിവാഹത്തിലെ ഇരുപതുകാരനായ മകനും അമ്മയുടെ വിവാഹത്തിന് എതിര്പ്പില്ലായിരുന്നു. വിവാഹത്തിനു മോനായല്ല കാര്ന്നോരായി ഓടി നടന്നു എല്ലാറ്റിനും മുമ്പിലുണ്ടായിരുന്നു.
ഇരുപതു വര്ഷം മുമ്പു നഷ്ടപ്പെട്ടുപോയ പിതൃസ്നേഹം തിരികെ പിടിച്ചതിലുള്ള സന്തോഷമായിരുന്നു ആ മകന്റെ മുഖത്ത് ദര്ശിക്കാനായത്. ഇന്നത്തേ ഈ കാലത്ത് ഇതുപോലുള്ള മക്കള് ആ അമ്മയ്ക്കു കിട്ടിയ പുണ്യമായാണു കല്യാണത്തിനെത്തിയവരുടെ അഭിപ്രായം.
