ഉമ്മന്ചാണ്ടി അനുസ്മരണത്തിനിടെ മുഖ്യമന്ത്രി പിണറായി വിജയനെ പുകഴ്ത്തിയതിന്റെ പേരില് കോൺഗ്രസ് പാര്ട്ടിക്കുള്ളില് ഉയര്ന്ന വിമര്ശനങ്ങള്ക്ക് മറുപടി നല്കി ചാണ്ടി ഉമ്മന്. തന്നെ കല്ലെറിഞ്ഞവരോട് പോലും ക്ഷമിച്ച ഉമ്മന്ചാണ്ടിയുടെ അതേ പാതയിലാണ് താനെന്നാണ് അദ്ദേഹം പറഞ്ഞു.
മുഖ്യമന്ത്രി പിണറായി വിജയന് ഉമ്മന്ചാണ്ടിയുടെ ചികിത്സയുമായി ബന്ധപ്പെട്ട് നല്കിയ സഹായങ്ങള് എടുത്തു പറഞ്ഞായിരുന്നു ചാണ്ടി ഉമ്മന് അനുസ്മരണ വേദിയിൽ പ്രസംഗിച്ചത്.
അനുസ്മരണ ചടങ്ങിന്പാര്ട്ടി നേതൃത്വത്തിന് മതിപ്പില്ലാഞ്ഞിട്ടും തുടര്ച്ചയായി രണ്ടാമതും പിണറായിയെ ക്ഷണിച്ചതും കോണ്ഗ്രസ് നേതാക്കള്ക്കിടയില് കടുത്ത അതൃപ്തിക്കിടയാക്കിയിരുന്നു. വിമർശനങ്ങളോട് പ്രതികരിച്ച ചാണ്ടി ഉമ്മന് വ്യക്തിപരമായ കാര്യമാണെന്നും അതൊരു രാഷ്ട്രീയവേദിയായിരുന്നില്ലെന്നും മറുപടി നൽകി.
