വ്യത്യസ്തത ഉണര്ത്തുന്ന ഒട്ടനവധി വീഡിയോകളും വാര്ത്തകളുമാണ് ദിവസവും സോഷ്യല് മീഡിയയിലൂടെ ശ്രദ്ധ നേടിക്കൊണ്ടിരിക്കുന്നത്. ഇവയില് ഏറ്റവും കൂടുതല് കാഴ്ചക്കാരുള്ളത് യഥാര്ത്ഥ സംഭവങ്ങളുടെ നേര്ക്കാഴ്ചകളായി വരുന്ന വീഡിയോകള്ക്കാണ്. ഇത്തരത്തിലൊരു വീഡിയോയാണ് ഇപ്പോള് സോഷ്യല് മീഡിയയില് ശ്രദ്ധ നേടിക്കൊണ്ടിരിക്കുന്നത്. നമ്മുക്കറിയാം വഴക്കും തല്ലുമൊന്നും നടക്കാത്ത സ്ഥലങ്ങളുണ്ടാവില്ല ലോകത്ത്. എന്നാല്, പഴയതുപോലെയല്ല, എവിടെ എന്ത് നടന്നാലും വീഡിയോ എടുക്കുന്നവരുണ്ടാകും. അതങ്ങനെ സോഷ്യല് മീഡിയയിലും എത്തും. അതുപോലെ ഒരു പൊരിഞ്ഞ തല്ലിന്റെ വീഡിയോയാണ് ഇത്.
ANJAY TRIPATHI എന്ന എക്സ് അക്കൗണ്ടാണ് വീഡിയോ സോഷ്യല് മീഡിയയില് പങ്കുവച്ചിരിക്കുന്നത്. വീഡിയോയില് ചെരിപ്പെടുത്താണ് ആളുകള് അങ്ങോട്ടും ഇങ്ങോട്ടും അക്രമിക്കുന്നതാണ് കാണുന്നത്. രണ്ടുപേര് തമ്മിലൊന്നുമല്ല തല്ല്. കുറേയധികം പേരുണ്ട് ഈ വഴക്കില് പങ്കാളികളായവര്. ഇത് നടന്നത് ലഖ്നൗവിലാണ് എന്നാണ് വീഡിയോയുടെ കാപ്ഷനില് സൂചിപ്പിക്കുന്നത്. വീഡിയോയുടെ തുടക്കത്തില് തന്നെ കാണിക്കുന്നത് മൂന്നുപേര് ഒരാളെ ചെരിപ്പ് വച്ച് അടിക്കുന്നതാണ്. ആ സമയത്ത് മറ്റൊരാള് അത് അവസാനിപ്പിക്കണം എന്ന് പറഞ്ഞ് അതില് ഇടപെടുന്നതും കാണാം. അതോടെ, സാഹചര്യം കയ്യില് നില്ക്കാതെയാവുകയും എല്ലാവരും തമ്മില് പരസ്പരം തല്ലാവുകയും ചെയ്യുകയാണ്.
വീഡിയോ പകര്ത്തുന്നയാളാണെങ്കില് തല്ല് തുടരാന് പ്രോത്സാഹിപ്പിക്കുകയാണ് ചെയ്യുന്നത്. പിടിച്ചുമാറ്റാന് വേണ്ടി ഒരു സ്ത്രീ എത്തുന്നതും അവരും അതില് പെട്ടുപോകുന്നതും വീഡിയോയില് കാണുന്നുണ്ട്. എന്തായാലും, വളരെ പെട്ടെന്നാണ് വീഡിയോ സോഷ്യല് മീഡിയയില് വൈറലായി മാറിയത്. നിരവധിപ്പേരാണ് വീഡിയോയ്ക്ക് കമന്റുകളുമായി എത്തിയത്. ഒരാള് ഈ തല്ലിനെ കുറിച്ചുള്ള വിവരങ്ങളാണ് പങ്കുവച്ചത്. 'വ്യാഴാഴ്ച രാവിലെ 9 മണിയോടെ, ഇറ്റൗഞ്ച പോലീസ് സ്റ്റേഷന് പരിധിയിലെ മഹോന ഔട്ട്പോസ്റ്റ് ഏരിയയിലെ മഹോന കുര്സി റോഡിലെ ഇന്റര്സെക്ഷന് സമീപം, രാജേഷ് കുമാര് വര്മ്മയും പ്രമോദ് സോണിയും നരേന്ദ്ര സോണിയും തമ്മിലാണ് രൂക്ഷമായ ഈ വഴക്കുണ്ടായത്' എന്നാണ് അയാള് പറഞ്ഞത്. മറ്റ് പലരും സംഗതി തല്ല് സീരിയസായിട്ടാണ് നടന്നതെങ്കിലും കാണുമ്പോള് ചിരി വന്നു എന്നാണ് പറഞ്ഞത്.
कोई बता सकता है कि लखनऊ में हुई इस चप्पल वॉर में “मारे देओ” और “मारो” कुल कितनी बार बोला गया? pic.twitter.com/nytbTGE9DT
— SANJAY TRIPATHI (@sanjayjourno) July 25, 2024
