മോഡലിംഗും അഭിനയവുമൊക്കെയായി ശ്രദ്ധിക്കപ്പെട്ട താരമാണ് അമേയ മാത്യു. സോഷ്യല്മീഡിയയിലും സജീവമാണ് അമേയ. പങ്കിടുന്ന വിശേഷങ്ങള് പെട്ടെന്ന് തന്നെ ചര്ച്ചയായി മാറാറുണ്ട്. കല്യാണത്തിനുള്ള ഒരുക്കങ്ങള് തുടങ്ങിയെന്ന് അടുത്തിടെ അവര് പറഞ്ഞിരുന്നു. നാട്ടിലേക്ക് തിരിച്ചെത്തിയെന്നും, ഇനി വിവാഹം കഴിഞ്ഞേ മടങ്ങുള്ളൂവെന്നുമായിരുന്നു പോസ്റ്റ്. കല്യാണമാണെന്ന് പറഞ്ഞെങ്കിലും എന്നാണെന്ന് വ്യക്തമാക്കിയിരുന്നില്ല. ഇന്സ്റ്റഗ്രാമിലൂടെയായി പുതിയ സന്തോഷം പങ്കുവെച്ചിരിക്കുകയാണ് താരം ഇപ്പോള്.
മണവാളന് എത്തി ഗൈസ്, ഞങ്ങളുടെ ബിഗ് ഡേയ്ക്കുള്ള കാത്തിരിപ്പാണ് ഇനി എന്നായിരുന്നു പുതിയ വീഡിയോയുടെ ക്യാപ്ഷന്. കിരണിനെ സ്വീകരിക്കാനായി എയര്പോര്ട്ടിലേക്ക് പോവുന്നതും, ഓടിപ്പോയി കെട്ടിപ്പിടിച്ച് സംസാരിക്കുന്നതുമാണ് വീഡിയോയില് കാണിക്കുന്നത്. ഒടുവില് അവന് ഇവിടെ എത്തിയെന്നും അമേയ പറയുന്നു. ഓടി വന്നപ്പോള് ആളെന്താണ് ഹഗ് ചെയ്യാതിരുന്നത്, അപ്പോള് അടുത്ത പരിപാടി കല്യാണമല്ലേ, തുടങ്ങി നിരവധി കമന്റുകളാണ് വീഡിയോയുടെ താഴെയുള്ളത്.
വി വരന്റെ മുഖം വ്യക്തമാക്കാതെയായിരുന്നു അമേയ വിവാഹത്തെക്കുറിച്ച് ആദ്യം പറഞ്ഞത്. നിമിഷനേരം കൊണ്ടായിരുന്നു പോസ്റ്റ് ചര്ച്ചയായി മാറിയത്. വരന്റെ മുഖം കാണിച്ചൂടേയെന്നായിരുന്നു അന്ന് എല്ലാവരും ചോദിച്ചത്. എനിക്ക് തോന്നുമ്പോള് ഞാന് അദ്ദേഹത്തെ പരിചയപ്പെടുത്തിക്കോളാമെന്നായിരുന്നു അമേയ മറുപടി നല്കിയത്.
പിറന്നാള് ദിനത്തിലായിരുന്നു വിവാഹത്തെക്കുറിച്ച് പറഞ്ഞത്. ഈ പിറന്നാള് എനിക്ക് ഏറെ പ്രധാനപ്പെട്ടതാണ്. ഇനിയങ്ങോട്ടുള്ള ജീവിതത്തില് എനിക്കൊപ്പം ഇദ്ദേഹവും കൂടെയുണ്ടാവും. എന്റെ ജീവിതം പൂര്ണ്ണമാക്കിയ ആളാണ് ഇദ്ദേഹം എന്നായിരുന്നു കിരണിനെക്കുറിച്ച് അമേയ പറഞ്ഞത്. അന്നത്തെ പോസ്റ്റുകളും ചിത്രങ്ങളുമെല്ലാം വൈറലായിരുന്നു.
