ബഹിരാകാശ നിലയത്തില് കുടുങ്ങിയ സുനിത വില്യംസിനെയും ബാരി ഇ വില്മോറിനെയും തിരികെ ഭൂമിയില് എത്തിക്കാന് നാസ തീവ്രശ്രമത്തില്. നാസയും ബോയിങും ഇതുവരെ ഒരു ലക്ഷത്തിലധികം കമ്പ്യൂട്ടര് മോഡല് സിമുലേഷനുകളാണ്ഇരുവരെയും ഭൂമിയിലേക്ക് മടക്കിക്കോണ്ടുവരാനുളള സുരക്ഷിതമായ വഴി തേടി പരീക്ഷിച്ചത്. ഇവയുടെ ഫലം ആശ്വാസകരമെന്ന് ബോയിങ് വ്യക്തമാക്കി.
ഇരുവരും ഭൂമിയിലേക്ക് മടങ്ങിവരുന്നത് എപ്പോഴെന്ന് വ്യക്തമല്ല. നാസ ഇവരെ സുരക്ഷിതമായി മടക്കിക്കോണ്ടുവരാന് കമ്പ്യൂട്ടര് അധിഷ്ഠിതമായ അനേകം സിമുലേഷനുകള് പരീക്ഷിച്ചുവരികയാണ്. പരീക്ഷണങ്ങളിലൂടെ ഇരുവരെയും അന്താരാഷ്ട്ര ബഹിരാകാശ നിലയത്തില് നിന്ന് തിരികെ ഇറക്കുമ്പോഴും ഭൂമിയില് ഇറങ്ങുമ്പോഴും ഉണ്ടാവാന് സാധ്യതയുള്ള പ്രശ്നങ്ങളെ മുന്കൂട്ടി കണ്ട് പരിഹാരം തേടുകയാണ് . ഇതിനായി ഇതുവരെ നടത്തിയ സിമുലേഷനുകളുടെയും പരീക്ഷണങ്ങളുടെയും പട്ടിക ബോയിങ് സ്പേസ് ട്വീറ്റ് ചെയ്തു.
റിയാക്ഷന് കണ്ട്രോള് സിസ്റ്റത്തിന്റെ ഏഴ് ഗ്രൗണ്ട് ടെസ്റ്റുകളും ഒരു ലക്ഷത്തിലധികം അണ്ഡോക്ക്-ടു-ലാന്ഡിംഗ് കമ്പ്യൂട്ടര് മോഡല് സിമുലേഷനുകളും ഇതില് ഉള്പ്പെടും. സുനിത വില്യംസിനെയും ബാരി ഇ വില്മോറിനെയും സുരക്ഷിതമായി ഭൂമിയിലേക്ക് മടക്കിക്കൊണ്ടുവരാനുള്ള സ്റ്റാര്ലൈനറിന്റെ വൈദഗ്ധ്യത്തില് സംശയമില്ല എന്നാണ് നാസ പറയുന്നത്.
