കുഞ്ഞുക്കുട്ടികളെ സംബന്ധിക്കുന്ന വീഡിയോകള്ക്ക് സോഷ്യല് മീഡിയയില് കാഴ്ചക്കാര് ഏറെയാണ്. കാരണം അവരുടെ നിഷ്കളങ്കതയും ക്യൂട്ട്നെസ്സും എല്ലായ്പ്പോഴും ആളുകളെ ആകര്ഷിക്കാറുണ്ട്. സമാനമായ ഒരു വീഡിയോയാണ് ഇപ്പോള് വൈറലാകുന്നത്. ഇതൊരു കുട്ടിയുടെ റിപ്പോര്ട്ടിംഗ് വീഡിയോയാണ്. ന്യൂസുകളിലും മറ്റും നമ്മള് റിപ്പോര്ട്ടിംഗ് കണ്ടിട്ടുണ്ട്. ആളുകളില് നിന്നും അഭിപ്രായങ്ങള് ആരായുന്നതും ഒക്കെ അതിന്റെ ഭാഗമാണ്. അത് തന്നെയാണ് ഈ കുട്ടിയും ചെയ്യുന്നത്.
എന്നാല് വീഡിയോയില് അവള് തന്റെ മൈക്ക് നീട്ടുന്നത് മനുഷ്യരുടെ നേര്ക്കല്ല എന്ന് മാത്രം. പകരം ഒരു പശുവിനാണ് അവള് തന്റെ മൈക്ക് നീട്ടുന്നത്. ഈ വീഡിയോ കണ്ടാല് ആരും ചിരിച്ചു പോകും എന്ന കാര്യത്തില് യാതൊരു സംശയും ഇല്ല. pubity എന്ന യൂസറാണ് വീഡിയോ ഇന്സ്റ്റഗ്രാമില് ഷെയര് ചെയ്തിരിക്കുന്നത്. വീഡിയോയുടെ കാപ്ഷനില് 'ചരിത്രത്തിലെ ഏറ്റവും സാക്ഷരതയുള്ള പശു' എന്നും എഴുതിയിട്ടുണ്ട്. വീഡിയോയ്ക്കകത്ത്, 'ഇന്ന് എന്റെ മകള് ഒരു പശുവിനെ ഇന്റര്വ്യൂ ചെയ്തു, അത് നന്നായിരുന്നു' എന്നും എഴുതിയിട്ടുണ്ട്. വീഡിയോയില് ഒരു കൊച്ചു പെണ്കുട്ടി ഒരു മൈക്കുമായി ഒരുകൂട്ടം പശുക്കളുടെ അടുത്ത് നില്ക്കുന്നതാണ് കാണുന്നത്.
കുട്ടി പശുവിന്റെ അടുത്തെത്തുന്നതും അതിന്റെ ശബ്ദം അനുകരിക്കുന്നതും കാണാം. പിന്നീട് മൈക്ക് പശുവിന് നേരെ നീട്ടുകയാണ്. എല്ലാവരേയും ഞെട്ടിച്ചുകൊണ്ട് പശുവും തിരിച്ച് ശബ്ദമുണ്ടാക്കുന്നതാണ് പിന്നെ വീഡിയോയില് കാണുന്നത്. നിമിഷ നേരങ്ങള്ക്കുള്ളില് വൈറലായ വീഡിയോയ്ക്ക് താഴെ നിരവധി ആളുകളാണ് രസകരമായ കമന്റുകളുമായി രംഗത്തെത്തിയത്.
