ആലപ്പുഴ: ആലപ്പുഴ നഗരത്തില് പത്തൊമ്പതുകാരിയായ ദലിത് യുവതിയെ ജോലിക്കായി വിളിച്ചു വരുത്തിയശേഷം മദ്യം നല്കി പീഡിപ്പിച്ച കേസില് യുവാവ് അറസ്റ്റില്. കോട്ടയം ഭരണങ്ങാനം സ്വദേശി സബിന് മാത്യുവിനെയാണ് ഡിവൈ.എസ്.പി. മധുബാബുവിന്റെ നേതൃത്വത്തില് സൗത്ത് പോലീസ് അറസ്റ്റ് ചെയ്തത്.
പാലക്കാട് സ്വദേശിനിയായ യുവതിയുടെ പരാതിയിലാണ് അറസ്റ്റ്. ആലപ്പുഴ ആസ്ഥാനമായുള്ള ഡയറക്ട് മാര്ക്കറ്റിങ് കമ്പനിക്ക് ആയുര്വേദ ഉത്പന്നങ്ങള് വില്ക്കാന് സെയില്സ് എക്സിക്യൂട്ടീവിനെ അവശ്യം ഉണ്ടെന്ന് ഓണ്ലൈന് വഴി പരസ്യം നല്കിയ പ്രതി കമ്പനിയുടെ ജനറല് മാനേജരെന്നാണ് സ്വയം പരിചയപ്പെടുത്തിയിരുന്നത്. തന്റെ ഫോണിലേക്ക് വിളിച്ച പാലക്കാട് സ്വദേശിനിയുമായി ജോലിയെക്കുറിച്ച് സംസാരിച്ചു.
വീടുകള് തോറും കയറി സാധനങ്ങള് വില്ക്കുന്ന ജോലിയാണെന്ന് പറഞ്ഞപ്പോള് താല്പര്യമില്ലെന്നു യുവതി അറിയിച്ചു. തുടര്ന്ന് മറ്റൊരു യുവതിയെകൊണ്ട് വിളിപ്പിച്ച് ആലപ്പുഴയില് കഴിഞ്ഞ 14ന് ഇന്റര്വ്യൂവിനായി എത്താന് ആവശ്യപ്പെടുകയായിരുന്നു.ഇതുപ്രകാരം യുവതി വൈകുന്നേരത്തോടെ ആലപ്പുഴ ബസ് സ്റ്റാന്ഡില് എത്തി. അടുത്തുള്ള ഹോട്ടലിലേക്ക് വന്നപ്പോള് ഇന്റര്വ്യൂ സമയം കഴിഞ്ഞെന്നും രാത്രിയില് അവിടെയുള്ള മുറിയില് തങ്ങി അടുത്ത ദിവസം നടക്കുന്ന ഇന്റര്വ്യൂവില് പങ്കെടുക്കാനും സബിന് പറഞ്ഞു.
ഇവിടെ യുവതി താമസിച്ച മുറിയിലേക്ക് രാത്രിയില് ഭക്ഷണവും മദ്യവുമായി മടങ്ങിയെത്തിയ യുവാവ് മദ്യം കുടിക്കാന് നിര്ബന്ധിച്ചു. എതിര്ത്തപ്പോള് മദ്യം നിര്ബന്ധിച്ച് കുടിപ്പിച്ചശേഷം പീഡിപ്പിക്കുകയായിരുന്നു. തന്റെ ആണ് സുഹൃത്തിനെ ഫോണില് വിളിച്ച് പീഡനവിവരം യുവതി അറിയിച്ചു.
