റെയില്വേ ട്രാക്കുകള് മുറിച്ചു കടക്കുമ്പോള് കൃത്യമായ പാതകള് ഉപയോഗിക്കണമെന്ന് അധികൃതര് പറയാറുണ്ട്. കാരണം അശ്രദ്ധമായ രീതിയില് ട്രാക്കുകള് മുറിച്ചുകടക്കുന്നതിനടയില് അപകടങ്ങളുണ്ടാകുന്നത് ഒരു സ്ഥിരം സംഭവമായിമാറിയിരിക്കുകയാണ്. എന്നാല് എത്രയൊക്കെ നിര്ദ്ദേശങ്ങള് നല്കിയാലും കൃത്യമായ പാത ഉപയോഗിക്കാതെ ട്രാക്ക് മുറിച്ച് കടക്കുന്ന നിരവധി ആളുകളുണ്ട്. ഇന്ത്യയില് ട്രെയിനുമായി ബന്ധപ്പെട്ട് അനേകം അപകടങ്ങളുണ്ടാവാറുണ്ട്. ചെറിയ ചില അശ്രദ്ധകളാണ് ചിലപ്പോള് ജീവന് തന്നെ നഷ്ടപ്പെടുന്ന അപകടത്തിലേക്ക് നയിക്കാറ്. കയ്യും കാലുമടക്കം നഷ്ടപ്പെടുന്ന സംഭവങ്ങള് വേറെയും.
എന്തായാലും, റെയില്വേ ട്രാക്ക് മുറിച്ചു കടക്കുന്നതിനിടയില് ഒരു യുവതി ട്രെയിനിന് അടിയില് പെടുകയും അത്ഭുതകരമായി രക്ഷപ്പെടുകയും ചെയ്ത ഒരു വീഡിയോയാണ് ഇപ്പോള് പ്രചരിച്ചു കൊണ്ടിരിക്കുന്നത്. തെലങ്കാനയിലെ നവന്ദ്ഗി റെയില്വേ സ്റ്റേഷനിലാണ് ഈ സംഭവം നടന്നത് എന്നാണ് റിപ്പോര്ട്ടുകള് സൂചിപ്പിക്കുന്നത്. വീഡിയോയില് കാണുന്നത് ഒരു സ്ത്രീ ഒരു ഗുഡ്സ് ട്രെയിനിന്റെ അടിയില് പെട്ടതും അവിടെ നിന്നും എഴുന്നേറ്റ് വരുന്നതുമാണ്. യുവതിയും കൂട്ടുകാരിയും റെയില്വേ ട്രാക്ക് മുറിച്ച് കടക്കുകയായിരുന്നു. പെട്ടെന്നാണ് ട്രെയിന് വന്നത്. സുഹൃത്ത് പെട്ടെന്ന് തന്നെ ട്രാക്ക് കടന്നു. എന്നാല്, യുവതി പെട്ടുപോവുകയായിരുന്നു.
ഓടിമാറാന് സമയമില്ല എന്ന് മനസിലായതോടെ യുവതി ട്രാക്കിന് നടുവിലുള്ള സ്ഥലത്ത് കിടക്കുകയായിരുന്നത്രെ. അവിടെത്തന്നെ അനങ്ങാതെ കിടക്കുകയാണ് യുവതി ചെയ്തത്. തല താഴ്ത്തിപ്പിടിക്ക് എന്നൊക്കെ ആളുകള് പറയുന്നതും കേള്ക്കാം. ട്രെയിന് പൂര്ണമായും കടന്നുപോയതിന് ശേഷവും യുവതിയെ ട്രാക്കില് കാണാം. അവര് എഴുന്നേല്ക്കാന് ശ്രമിക്കുന്നിടത്താണ് വീഡിയോ അവസാനിക്കുന്നത്. ഇവര്ക്ക് അപകടമൊന്നും സംഭവിക്കാതെ രക്ഷപ്പെട്ടു എന്നും റിപ്പോര്ട്ടുകള് പറയുന്നു. എന്തായാലും, വലിയ ആശ്വാസമാണ് ഈ വീഡിയോ കാണുന്നവരില് അവസാനം ഉണ്ടാകുന്നത്. യുവതി അപകടമൊന്നും കൂടാതെ രക്ഷപ്പെടാന് കാരണം ട്രാക്കില് പതുങ്ങിക്കിടന്നതാകണം.
అదృష్టం అంటే ఇదేనేమో..
వికారాబాద్ జిల్లా: నావంద్గి రైల్వే స్టేషన్ లో ఓ గిరిజన మహిళ రైల్వే పట్టాలు దాటుతున్న క్రమంలో ఒక్కసారిగా గుడ్స్ ట్రైన్ రావడంతో పట్టాల పై సదరు మహిళ అలాగే పడుకుంది.
తన శరీరాన్ని ఏమాత్రం కదపకుండా ట్రైన్ పూర్తిగా వెళ్ళెంతవరకు అలానే పడుకుంది.
ట్రైన్… pic.twitter.com/cGghKptatH— Aadhan Telugu (@AadhanTelugu) August 26, 2024
