സംസ്ഥാനത്തെ കുടുംബശ്രീ അംഗങ്ങളും ജീവനക്കാരും വയനാടിന് കൈത്താങ്ങായി ആദ്യഘട്ടമായി സമാഹരിച്ച ഇരുപത് കോടി 7,05,682 മുഖ്യമന്ത്രിക്ക് കൈമാറി.
മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ഫണ്ട് ശേഖരണം ഞങ്ങളുമുണ്ട് കൂടെ എന്ന പേരിൽ കുടുംബശ്രീ തുടരുകയാണ്. ക്യാമ്പയിനിൽ പങ്കാളികളായ മുഴുവൻ അയൽക്കൂട്ട, ഓക്സിലറി ഗ്രൂപ്പ് അംഗങ്ങളെയും ജീവനക്കാരേയും മന്ത്രി എംബി രാജേഷ് അഭിനന്ദിച്ചു.
അതേസമയം പുനരധിവാസ പ്രവര്ത്തനങ്ങളുടെ ഭാഗമായി ജില്ലാ ഭരണകൂടത്തിന്റെ നിര്ദേശ പ്രകാരം മൂന്നു വാര്ഡുകളിലെ മുഴുവന് കുടുംബങ്ങളുടെയും കുടുംബ സര്വേ കുടുംബശ്രീ പൂര്ത്തിയാക്കിയിരുന്നു. ഇതിന്റെ അടിസ്ഥാനത്തില് കുടുംബങ്ങള്ക്കാവശ്യമായ മൈക്രോ പ്ളാന് തയ്യാറാക്കുന്നതുമായി ബന്ധപ്പെട്ട പ്രവര്ത്തനങ്ങള് അതിവേഗം പുരോഗമിക്കുകയാണ്.
