സൗത്ത് ഇന്ത്യക്കാരുടെ ഇഷ്ടഭക്ഷണമാണ് ദോശ. മിക്ക വീടുകളിലെയും രാവിലത്തെ ബ്രേക്ക്ഫാസ്റ്റ് ദോശയായിരിക്കും. ദോശ നമ്മുക്ക് പരിചിതവും പ്രിയങ്കരവുമായ വിഭവങ്ങളില് ഒന്ന് തന്നെയാണ്. എന്നാല് മലേഷ്യയില് നിന്നുള്ള ഒരു ദോശയുടെ വീഡിയോയാണ് ഇപ്പോള് സോഷ്യല് മീഡിയയില് വൈറലായിക്കൊണ്ടിരിക്കുന്നത്.
@christianbrucki and @amazing_kualalumpur എന്ന ഇന്സ്റ്റഗ്രാം അക്കൗണ്ടാണ് വീഡിയോ പങ്കുവച്ചിരിക്കുന്നത്. ' ഇതാണോ ലോകത്തിലെ ഏറ്റവും വലിയ ദോശ' എന്ന് ചോദിച്ചുകൊണ്ടാണ് വീഡിയോ പങ്കുവച്ചിരിക്കുന്നത്. വീഡിയോയില് കാണുന്നത് ഒരു റെസേ്റ്റാറന്റില് വിളമ്പുന്ന ഒരു ദോശയാണ്. ആ ദോശയുടെ വലിപ്പം കൊണ്ടാണ് അത് ശ്രദ്ധിക്കപ്പെടുന്നത്. വെയിറ്റര്മാര് വലിയ ദോശ കൊണ്ടുവന്ന് ഓരോ ടേബിളിലും വിളമ്പുന്നുണ്ട്. പലരും പല തരത്തിലാണ് ദോശ കാണുമ്പോള് പ്രതികരിക്കുന്നത്. മിക്കവര്ക്കും ഇത്രയും വലിയ ദോശ ഒരു അത്ഭുതം തന്നെയാണ്.
ചിലര് ദോശ തൊട്ടുനോക്കുന്നു, ചിലര് അത് കൊണ്ടുവയ്ക്കുന്നത് കൗതുകത്തോടെ നോക്കുന്നു. എന്നാല് നമ്മള് സൗത്ത് ഇന്ത്യന്സിന് ചിലപ്പോള് ഇത് കാണുമ്പോള് ഇതൊക്കെ എന്ത് എന്ന് തോന്നിയേക്കും അല്ലേ? അതുപോലെയാണ് ഈ വീഡിയോയ്ക്ക് വന്നിരിക്കുന്ന കമന്റുകളില് മിക്കതും. അതില് പറയുന്നതും ചെന്നൈയില് വന്നാല് തീരാവുന്നതേയുള്ളു ഈ അമ്പരപ്പ് എന്നാണ്.
നിമിഷ നേരങ്ങള്ക്കുള്ളില് വൈറലായ വീഡിയോയ്ക്ക് താഴെ നിരവധി ആളുകളാണ് കമന്റുകളുമായി രംഗത്തെത്തിയത്. 'ബ്രോ ഇതുവരെ ചെന്നൈയില് വന്നിട്ടില്ല. എന്നിട്ട് ഇതിനെ ലോകത്തിലെ ഏറ്റവും വലിയ ദോശ എന്ന് വിളിക്കുന്നു' എന്നാണ്. എന്നാല് മറ്റൊരാള് കുറിച്ചത് ' തമിഴ്നാട്ടിലേക്ക് വാ ഇതിനേക്കാള് വലിയ ദോശ കാണിച്ചുതരാം' എന്നാണ്.
