തിരുവനന്തപുരം: എഡിജിപി എം ആര് അജിത് കുമാറിനെതിരായ അന്വഷണത്തില് തൃശൂര് പൂരം പൊലീസ് അലങ്കോലമാക്കിയെന്ന ആരോപണത്തിലടക്കമാണ് മൊഴിയെടുക്കും. തൃശൂര് പൂരം അലങ്കോലപ്പെട്ടതുമായി ബന്ധപ്പെട്ട് തന്റെ അന്വേഷണ റിപ്പോര്ട്ട് അജിത്കുമാര് കൈമാറും. അജിത്കുമാറിനെതിരേയുള്ള വിവാദത്തില് അന്വേഷണസംഘം പോലീസുകാരര് അടക്കം കൂടുതല് പേരുടെ മൊഴിയെടുക്കും.
പി വി അന്വര്, എം ആര് അജിത് കുമാര് എന്നിവരുടെ മൊഴി നേരത്തെ രേഖപ്പെടുത്തിയിരുന്നു. ഇരുവരുടേയും മൊഴിയുടെ അടിസ്ഥാനത്തിലാണ് കൂടുതല് മൊഴി രേഖപ്പെടുത്താന് തീരുമാനിച്ചത്. അന്വറിന്റെ പരാതിയില് അന്വേഷണം പൂര്ത്തിയാക്കാന് ഒരു മാസത്തെ സമയമാണ് ഡിജിപിക്ക് സര്ക്കാര് അനുവദിച്ചിരിക്കുന്നത്. അജിത്കുമാറിന്റെ മൊഴി വീണ്ടും രേഖപ്പെടുത്തിയേക്കും.
അജിത് കുമാറിന്റെ മൊഴി നേരത്തെ രേഖപ്പെടുത്തിയിരുന്നെങ്കിലും ആര്എസ്എസ് നേതൃത്വവുമായി നടത്തിയ കൂടിക്കാഴ്ച സംബന്ധിച്ച ചോദ്യങ്ങളൊന്നും ഉണ്ടായില്ലെന്നാണ് വിവരം. തൃശൂര്പൂരം കലക്കിയെന്ന ആരോപണത്തില് താന് നടത്തിയ അന്വേണത്തിന്റെ റിപ്പോര്ട്ട് കൈമാറാന് തയ്യാറാണെന്ന് അജിത് കുമാര് അറിയിച്ചിട്ടുണ്ട്. എം.ആര്. അജിത്കുമാറിനെതിരേ വിജിലന്സും പ്രാഥമികാന്വേഷണം തുടങ്ങി.
പി.വി. അന്വര് ഉന്നയിച്ച സാമ്പത്തിക ആരോപണങ്ങളുമായി ബന്ധപ്പെട്ടാണ് അന്വേഷണം. ആരോപണവിഷയങ്ങളില് കഴമ്പുണ്ടെന്നു കണ്ടാല് കേസ് രജിസ്റ്റര് ചെയ്തു അന്വേഷണത്തിനു സര്ക്കാര് അനുമതി തേടും. അനധികൃത സ്വത്തുസമ്പാദനം, ബന്ധുക്കളുടെപേരില് സ്വത്ത് സമ്പാദിക്കല്, വന്തുക നല്കി കവടിയാറില് ഭൂമിവാങ്ങല്, ഒന്നരക്കോടി രൂപ കൈക്കൂലിവാങ്ങി കേസ് ഒതുക്കി തുടങ്ങിയ ആരോപണങ്ങളാണ് പി.വി. അന്വര് ഉയര്ത്തിയത്.
