വിമല മാത്രമല്ല പങ്കാളി വിനയ് റായും പോസ്റ്റുകളിലൂടെയായി പ്രേക്ഷകര്ക്ക് പരിചിതനായി മാറുകയായിരുന്നു. വെക്കേഷന് ആഘോഷ ചിത്രങ്ങള് ഇരുവരും പങ്കിട്ടിരുന്നു. 2013ലായിരുന്നു വിമലയും വിനയും തങ്ങളുടെ ബന്ധം പരസ്യമാക്കിയത്. പിന്നീടങ്ങോട്ട് ഒന്നിച്ചുള്ള ചിത്രങ്ങളും പങ്കുവെക്കാറുണ്ടായിരുന്നു ഇരുവരും. പ്രണയം ജീവിതത്തിലെ ഏറ്റവും മനോഹരമായ അനുഭവമാണെന്ന് താരം തുറന്ന് പറഞ്ഞിരുന്നു.
ഹാപ്പി ബര്ത്ത് ഡേ റ്റു മൈ പിന കോളഡ. നിന്നോടൊപ്പമുള്ള യാത്ര തമാശ നിറഞ്ഞതാണ്. ഇത്രയും നല്ലൊരു വ്യക്തിയെ കൂടെ കിട്ടിയതില് ഞാന് സംതൃപ്തയാണെന്നും വിമല കുറിച്ചിട്ടുണ്ട്. ജീവിതകാലം മുഴുവനും നീ സന്തോഷത്തോടെയിരിക്കട്ടെ. ആഗ്രഹിക്കുന്ന കാര്യങ്ങളെല്ലാം യാഥാര്ത്ഥ്യമാവട്ടെ എന്നും വിമല കുറിച്ചിരുന്നു. വിനയിനൊപ്പമുള്ള മനോഹരമായൊരു വീഡിയോയും അദ്ദേഹം പങ്കിട്ടിരുന്നു.
താങ്ക് മി അമോര് എന്നായിരുന്നു വിമലയുടെ പോസ്റ്റിന് താഴെയായി വിനയ് കുറിച്ചത്. ടി അമോ എന്ന് വിമല തിരിച്ച് വിനയിന് മറുപടി നല്കിയിരുന്നു. ഇവരുടെ വീഡിയോ ഇതിനകം തന്നെ വൈറലായിക്കഴിഞ്ഞിട്ടുണ്ട്.
വിനയിനൊപ്പമുള്ള ഓരോ നിമിഷവും തനിക്കേറെ പ്രിയപ്പെട്ടതാണെന്ന് വിമല മുന്പ് പറഞ്ഞിട്ടുണ്ട്. വ്യക്തി ജീവിതത്തിലെ കാര്യങ്ങളെക്കുറിച്ചുള്ള വിമര്ശനങ്ങളൊന്നും താരം മുഖവിലയ്ക്ക് എടുക്കാറുമില്ല. ലിവിംഗ് റ്റുഗദറാണോയെന്ന് ചോദിച്ചപ്പോള് താരം പ്രതികരിച്ചിരുന്നില്ല.
സുരേഷ് ഗോപിക്കൊപ്പം ടൈം എന്ന ചിത്രത്തില് അഭിനയിച്ചായിരുന്നു വിമല തുടങ്ങിയത്. മോഹന്ലാല്, മമ്മൂട്ടി, ജയറാം തുടങ്ങിയവര്ക്കൊപ്പവും താരം അഭിനയിച്ചിരുന്നു. പ്രണയകാലമാണ് വിമലയെക്കുറിച്ച് പറയുമ്പോള് മലയാളികളുടെ മനസിലേക്ക് ആദ്യം എത്തുന്നത്.
