ടെലിവിഷന് പ്രേക്ഷകര്ക്ക് സുപരിചിതരാണ് നൂബിനും ബിന്നിയും. യൂട്യൂബ് ചാനലിലൂടെയും ഇരുവരും വിശേഷങ്ങള് പങ്കിടാറുണ്ട്. നൂബിന്റെ ബര്ത്ത് ഡേയ്ക്ക് കിടിലന് സര്പ്രൈസായിരുന്നു ബിന്നി നല്കിയത്. കുടുംബവിളക്കില് അച്ഛനായി അഭിനയിച്ച കൃഷ്ണകുമാര് മേനോന് നൂബിനെ കാണാനായി എത്തിയിരുന്നു. ഇത് ഞാന് പ്രതീക്ഷിച്ചതേയല്ലെന്നായിരുന്നു നൂബിന് പറഞ്ഞത്. പുറത്ത് പോയി ഭക്ഷണം കഴിക്കാമെന്നായിരുന്നു എന്നോട് പറഞ്ഞത്. തട്ടുകടയില് പോയി കഴിക്കാമെന്നായിരുന്നു പറഞ്ഞത്.
അതിനായി തയ്യാറെടുത്തിരിക്കുകയായിരുന്നു. അതിനിടയിലായിരുന്നു പ്രിയപ്പെട്ടവര് വന്നത്. ഇവിടെ ഫുഡ് സെറ്റാക്കിയ കാര്യവും നൂബിന് അറിയില്ലായിരുന്നു. എല്ലാ പ്ലാനിംഗും ഇവളുടേതായിരുന്നു. കെകെ എന്നെ ഫോണ് വിളിച്ച് അഞ്ച് മിനിറ്റ് കഴിയുമ്പോഴേക്കും മുന്നില് നില്ക്കുന്നു. ശരിക്കും ഞെട്ടിപ്പോയി. എന്നോട് പറഞ്ഞിരുന്നില്ല വരുന്ന കാര്യം. എന്റെ ഫ്രണ്ട്സിനെയും വിളിച്ച് വരാന് പറഞ്ഞത് ഇവളാണ്. എല്ലാം കൊണ്ടും ഫുള് ഹാപ്പിയാണ് ഞാന് എന്നായിരുന്നു നൂബിന് പ്രതികരിച്ചത്.
വീഡിയോയിലൂടെയായും പ്രിയപ്പെട്ടവര് നൂബിന് ആശംസ അറിയിച്ചിരുന്നു. പപ്പയും മമ്മിയുമായിരുന്നു ആദ്യം ആശംസ പറഞ്ഞത്. നേരത്തെ മമ്മിയേയും പപ്പയേയും ചേട്ടായീനേം പറ്റിച്ചിട്ടുള്ളത് പോലെ ഈ പ്രാവശ്യം പറ്റിക്കരുത് കേട്ടോ. അവള് വരുമ്പോളേക്കും കേക്ക് കട്ട് ചെയ്ത് കഴിച്ചേക്കരുത്. അഞ്ചാറ് വയസുള്ളപ്പോഴായിരുന്നു ഈ സംഭവം. ഇവന്റെ ബര്ത്ത് ഡേയ്ക്ക് കേക്ക് എടുത്തുവെച്ച് അയല്വീട്ടുകാരെയൊക്കെ വിളിക്കാന് പോയതായിരുന്നു ഞങ്ങള്.
തിരിച്ച് വരുമ്പോഴേക്കും കേക്ക് കട്ട് ചെയ്ത് കഴിച്ചോണ്ടിരിക്കുകയാണ്. എനിക്ക് ഭയങ്കരമായിട്ട് ദേഷ്യം വന്നു. ഇനി കേക്കില്ല കട്ട് ചെയ്യാന്. നീ എന്തിനാണ് ഇങ്ങനെ ചെയ്തതെന്ന് ചോദിച്ചപ്പോള് എന്റെ ബര്ത്ത് ഡേ അല്ലേ, ഞാനല്ലേ കേക്ക് കട്ട് ചെയ്യേണ്ടത്, ഞാനല്ലേ കഴിക്കേണ്ടതെന്നായിരുന്നു ചോദ്യം. ആരെയെങ്കിലും ക്ഷണിക്കുന്നുണ്ടെങ്കില് നോക്കിക്കോളണേ, എക്സ്ട്രാ ഒരു കേക്കും കൂടി പറഞ്ഞേക്കണേയെന്നായിരുന്നു മമ്മിയുടെ കമന്റ്.
ഭയങ്കര സന്തോഷമുണ്ട് നിനക്ക് ബര്ത്ത് ഡേ വിഷസ് അറിയിക്കാന്. എന്റെ ബെസ്റ്റ് ഫ്രണ്ടാണ് നൂബിന്. അവനോടാണ് ഞാന് എപ്പോഴും സംസാരിക്കുന്നത്. നിഷ്കളങ്കനായൊരു വ്യക്തിയാണ് അവന്. എപ്പോള് ചായ കുടിക്കാന് വിളിച്ചാലും അവന് റെഡിയാണ്. എവിടെയെങ്കിലും പോവാന് വിളിച്ചാലും അതേപോലെ തന്നെയാണെന്നായിരുന്നു കെകെ മേനോന് പറഞ്ഞത്. ആശംസ അറിയിച്ചവരില് പേരന്സൊഴികെ ബാക്കിയെല്ലാവരും നൂബിനെ കാണാനായി എത്തിയിരുന്നു.
