മെറ്റയുടെ സഹസ്ഥാപകനും സിഇഒയുമായ മാര്ക്ക് സക്കര്ബര്ഗ് മകള്ക്ക് നെയില് പോളിഷ് ഇട്ടു കൊടുക്കുന്ന വീഡിയോയാണ് സമൂഹമാദ്ധ്യമങ്ങളില് ഇപ്പോള് വൈറലാകുന്നത്. നെയില് പോളിഷ് ഇടാനുള്ള ഡാഡിയുടെ കഴിവ് എന്ന് ക്യാപ്ഷനോടെയാണ് സക്കര്ബര്ഗ് ഇന്സ്റ്റഗ്രാമില് വീഡിയോ പങ്കുവച്ചിരിക്കുന്നത്. വീഡിയോയില് മാര്ക്ക് സക്കര്ബര്ഗ് മകളുടെ നഖങ്ങളില് നെയില് പോളിഷ് ഇട്ടു കൊടുക്കുന്നത് കാണാം. നിമിഷ നേരങ്ങള്ക്കുള്ളിലാണ് വീഡിയോ സമൂഹമാദ്ധ്യമദ്ധ്യമങ്ങളില് വൈറലായത്.
വീഡിയോയില് ഒരു മേശപ്പുറത്ത് ചാരി നിന്ന് മകളുടെ നഖങ്ങളില് ചുവപ്പും നീലയും നിറത്തിലുള്ള നെയില് പോളിഷ് സക്കര് ബര്ഗ് ശ്രദ്ധാപൂര്വ്വം ഇടുന്നത് കാണാം. നെയില് പോളിഷ് ശ്രദ്ധാപൂര്വ്വം ഇട്ടു തീര്ത്തിന് ശേഷം 'ഞാന് തകര്ത്തു' എന്ന് മകളുടെ കൈകള് നോക്കി പറയുന്ന സക്കര്ബര്ഗിനെയും കാണാം. ഇന്സ്റ്റഗ്രാമില് പങ്കുവച്ച വീഡിയോക്ക് നിമിഷ നേരങ്ങള്ക്കുള്ളിലാണ് വൈറലായത്. ഇതിനോടകം, 695,000-ത്തിലധികം കാഴ്ചകളും 22,000-ലധികം ലൈക്കുകളും വീഡിയോയ്ക്ക് ലഭിച്ചു.
നിരവധി ഉപയോക്താക്കള് സക്കര്ബര്ഗിനെ ഒരു പിതാവെന്ന് നിലയില് അഭിനന്ദിച്ചിരിക്കുന്നത്. 'മകള്ക്ക് നെയില് പോളിഷ് ഇടാനായി സക്കര്ബര്ഗ് മെറ്റാ സ്ഥാപകനില് നിന്നും സ്റ്റെലിസ്റ്റായി മാറി, ഫാദര് ഓഫ് ദ ഇയര്, ഇത് എക്കാലത്തെയും മനോഹരമായ കാര്യം' എന്നിങ്ങനെ നിരവധി കമന്റുകളാണ് വീഡിയോയില് നിറയുന്നത്.
