കോണും ഐസ്ക്രീമും ഒന്നിച്ചുകൊടുക്കാതെ വാങ്ങാനെത്തുന്നവരെ കബളിപ്പിക്കുന്ന ടർക്കിഷ് ഐസ്ക്രീം വില്പനക്കാരുടെ വീഡിയോകള് സോഷ്യല് മീഡിയയിലൂടെ ശ്രദ്ധ നേടിയിട്ടുള്ളതാണ്. കൊതിയോടെ ഐസ്ക്രീം വാങ്ങാനെത്തിയിട്ട് അത് കിട്ടാതെയാകുന്നതും, ആളുകള് പിണങ്ങുന്നതും ദേഷ്യപ്പെടുന്നതുമെല്ലാം വീഡിയോകളില് നിറഞ്ഞിട്ടുണ്ട്. കബളിപ്പിക്കുക എന്നതാണ് ഈ വീഡിയോയുടെ ഹൈലൈറ്റ്.
ഇപ്പോഴിതാ ആനന്ദ് അംബാനിയുടെ ഭാര്യ രാധിക മെർച്ചന്റും ഈ ടർക്കിഷ് ഐസ്ക്രീം പരീക്ഷിക്കാൻ ശ്രമിക്കുന്ന വീഡിയോയാണ് സോഷ്യൽ മീഡിയയിൽ വൈറലാകുന്നത്. ആനന്ദിനൊപ്പം ദുബായിലെത്തിയ രാധികയും ഈ ഐസ്ക്രീം രുചിച്ചു നോക്കുന്നതാണ് വീഡിയോ.
ഐസ്ക്രീം വില്പനക്കാരൻ രാധികയുടെ ക്ഷമ പരീക്ഷിക്കുന്നത് വീഡിയോയില് കാണാം. വില്പനക്കാരൻ തിരിച്ചും മറിച്ചും ഐസ്ക്രീം രാധികയ്ക്ക് മുന്നിലേക്ക് നീട്ടുകയും ഒടുവില് കോണ് മാത്രം കിട്ടുകയും ചെയ്യുന്നു.
പിന്നീട് വീണ്ടും നീട്ടുമ്പോൾ രാധികയ്ക്ക് കിട്ടുന്നത് ടിഷ്യൂ പേപ്പറാണ്. കുടുകുടെ ചിരിച്ചാണ് രാധിക ഈ നിമിഷങ്ങൾ ആസ്വദിക്കുന്നത്.
അവസാനം വില്പനക്കാരൻ ഐസ്ക്രീം നല്കുകയും രാധിക അത് കഴിക്കുകയും ചെയ്യുന്നു. ഇതെല്ലാം ഒരു ചിരിയോടെ ആനന്ദ് ആസ്വദിക്കുന്നതും വീഡിയോയിൽ ഉണ്ട്.
