സഹതാരമായും നര്മ്മരസമുള്ള കഥാപാത്രങ്ങള് അവതരിപ്പിച്ചും പ്രേക്ഷകരുടെ മനസ്സില് തന്റേതായ ഇടം നേടിയെടുത്ത താരമാണ് അജു വര്ഗീസ്. മലർവാടി ആർട്സ് ക്ലബ് എന്ന ചിത്രത്തിലൂടെ വെള്ളിത്തിരയിലെത്തിയ താരം പിന്നീട് ചെറുതും വലുതുമായ ഒരുപാട് കഥാപാത്രങ്ങള് ചെയ്തു. അതിനു ശേഷം നായക കഥാപാത്രങ്ങളുള്പ്പടെ കരുത്തുറ്റ കഥാപാത്രങ്ങളിലൂടെയും താരം ശ്രദ്ധിക്കപ്പെട്ടു.
സോഷ്യല് മീഡിയയിലും നിറഞ്ഞു നില്ക്കുന്ന താരമാണ് അജു. എല്ലാ വിശേഷങ്ങളും വളരെ രസകരമായി തന്നെ താരം സോഷ്യല് മീഡിയയിലൂടെ പങ്കിടാറുണ്ട്. നര്മ്മരസം കലര്ത്തിയാണ് താരം പലപ്പോഴും എല്ലാ സന്തോഷങ്ങളും പങ്കിടാറുള്ളത്.
ഇപ്പോഴിതാ തന്റെ ഏറ്റവും പുതിയ സിനിമയായ സ്ഥാനാര്ത്ഥി ശ്രീക്കുട്ടനിലെ സൈജു കുറുപ്പിന്റെ സ്റ്റൈലിഷ് ചിത്രം പങ്കിട്ടിരിക്കുകയാണ് അജു വര്ഗീസ്. ഇല്ല്യുമിനാറ്റി ബിനീഷ് എന്ന കഥാപാത്രമായിട്ടാണ് സൈജു ഈ സിനിമയിലെത്തുന്നത്.
‘‘ഐ ആം നോ മോര് എ പ്രാരാബ്ധം സ്റ്റാർ എന്നുറപ്പിച്ചു ഞളുടെ സ്വന്തം സ്ഥാനാർത്ഥി ശ്രീക്കുട്ടനിലെ ഇല്ല്യുമിനാറ്റി ബിനീഷ്, ഒരു സല്യൂട്ട് തരട്ടെ ഡിവൈഎസ്പി സാറെ...’’ എന്ന ക്യാപ്ഷന് നല്കിയാണ് അജു വര്ഗീസ് ചിത്രം പങ്കിട്ടിരിക്കുന്നത്.
അജു വര്ഗീസ്, ജോണി ആന്റണി, സൈജു കുറുപ്പ് എന്നിവരെ പ്രധാന കഥാപാത്രങ്ങളാക്കി നവാഗതനായ വിനേഷ് വിശ്വനാഥ് സംവിധാനം ചെയ്യുന്ന ചിത്രമാണ് സ്താനാര്ത്ഥി ശ്രീക്കുട്ടന്.
