ഓസ്ട്രിയയിൽ പ്ലംബർ അപൂർവ നിധി കണ്ടെത്തി. ഒരു കെട്ടിടം പുനർനിർമ്മിക്കുന്നതിനിടെ കണ്ടെത്തിയ കയർ ശ്രദ്ധയിൽപ്പെട്ടതിനെ തുടർന്ന് നടത്തിയ അന്വേഷണമാണ് നിധിയിൽ എത്തിച്ചേർന്നത്. ബേസ്മെന്റിന്റെ നിർമ്മാണ ജോലികൾ നടത്തുന്നതിനിടെയാണ് ഒരു കയർ പ്ലംബറുടെ ശ്രദ്ധയിൽപ്പെട്ടത്. തുടർന്ന് കുഴിച്ച് നോക്കുകയായിരുന്നു.
കുഴിയെടുത്ത് കയറിന്റെ അറ്റത്ത് എത്തിയപ്പോൾ നിധിയടങ്ങിയ തുരുമ്പിച്ച ഒരു ലോഹപ്പെട്ടി കണ്ടെത്തി. ഏകദേശം 2.4 ദശലക്ഷം ഡോളർ വിലമതിക്കുന്ന 66 പൗണ്ട് ഭാരമുള്ള സ്വർണനാണയങ്ങളാണ് ഈ പെട്ടിയിൽ ഉണ്ടായിരുന്നത്. രണ്ടാം ലോകമഹായുദ്ധ കാലത്തെ സ്വർണനാണയങ്ങളാണിവ. മൊസാർട്ടിൻ്റെ മുദ്ര ഓരോ നാണയത്തിലും പതിപ്പിച്ച ചിത്രം ഉണ്ടായിരുന്നു. 15 വയസ് മുതൽ നിർമ്മാണ തൊഴിലുകൾ ചെയ്യുന്നുണ്ടെന്നും ഇത്തരത്തിലൊരു സംഭവം ആദ്യമാണെന്നും പ്ലംബർ പറഞ്ഞു.
നിധി കണ്ടെത്തുന്നതുമായി ബന്ധപ്പെട്ട് ഓസ്ട്രിയയിൽ ചില നിയമങ്ങളുണ്ട്. നിധി കണ്ടെത്തുന്ന വ്യക്തിയ്ക്കും നിധി കണ്ടെത്തിയ സ്ഥലത്തിന്റെ ഉടമയ്ക്കും ഇത് തുല്യമായി വീതിച്ചെടുക്കാം.
