തിരുവനന്തപുരം: ഗുരുതരമായ സ്വഭാവദൂഷ്യത്തെത്തുടര്ന്ന് കോളജില്നിന്നു പുറത്താക്കിയ എസ്.എഫ്.ഐ. നേതാവിന് പരീക്ഷയെഴുതാന് അനുമതി നല്കി എം.ജി. സര്വകലാശാല വൈസ് ചാന്സലര്. എടത്വ സെന്റ് അലോഷ്യസ് കോളജിലെ വിദ്യാര്ഥിയായിരുന്ന എസ്.എഫ്.ഐ. നേതാവ് ശ്രീജിത്ത് സുഭാഷിന് ബി.എസ്സി. ബിരുദകോഴ്സിന്റെ അഞ്ചും ആറും സെമസ്റ്ററില് ഇന്റെണല് മാര്ക്ക് നല്കാനും പരീക്ഷ എഴുതാന് അനുവദിക്കാനുമാണ് എം.ജി. വൈസ് ചാന്സലറുടെ ഉത്തരവ്.
അഞ്ചാം സെമസ്റ്ററില് ആറു ദിവസം മാത്രം കോളജില് ഹാജരാവുകയും ആറാം സെമസ്റ്റര് പൂര്ണമായി ഹാജരാതിരിക്കുകയും കോളജില്നിന്നു നിര്ബന്ധ വിടുതല് സര്ട്ടിഫിക്കേറ്റ് നല്കി പുറത്താക്കുകയും ചെയ്ത വിദ്യാര്ഥിയെ സര്കലാശാല റെഗുലേഷന് പ്രകാരം പരീക്ഷയ്ക്ക് രജിസ്റ്റര് ചെയ്യാന് അനുവദിക്കാനാവില്ലെന്ന് യൂണിവേഴ്സിറ്റിയെ അറിയിച്ച പ്രിന്സിപ്പലിന്റെ നിയമന അംഗീകാരം പിന്വലിക്കുമെന്ന് രജിസ്ട്രാര് ഭീഷണിക്കത്ത് നല്കിയെന്നും ആക്ഷേപം. പ്രിന്സിപ്പലിന്റെ നിയമന അംഗീകാരം പിന്വലിക്കുമെന്ന് കാണിച്ചുള്ള കത്ത് കോളജ് മാനേജര്ക്കും സര്വകലാശാല കൈമാറി. സെന്റ് അലോഷ്യസ് കോളജിലെ വിദ്യാര്ഥിയായിരുന്ന എസ്.എഫ്.ഐ. നേതാവ് ശ്രീജിത്ത് സുഭാഷിനെ ഗുരുതരമായസ്വഭാവ ദൂഷ്യത്തിന്റെ പേരില് 2023 ഒകേ്ടാബറില് നിര്ബന്ധിത ടി.സി. നല്കി കോളജില്നിന്ന് പുറത്താക്കിയിരുന്നു. എന്നാല്, പരീക്ഷയുടെ വെരിഫിക്കേഷന് പോര്ട്ടലില് എസ്.എഫ്.ഐ.
നേതാവിന്റെ പേരുകൂടി ഉള്പ്പെടുത്തിയതുകൊണ്ട് കോളജിലെ റെഗുലര് വിദ്യാര്ഥികളുടെ മാര്ക്കുകള് അപ്ലോഡ് ചെയ്യാന് കഴിയുന്നില്ല. യൂണിവേഴ്സിറ്റി തയ്യാറാക്കുന്ന പോര്ട്ടലില് പേര് ഉള്പ്പെടുത്തുന്നതോടെ നേതാവിന് പരീക്ഷ എഴുതാനാവും. കോളജില്നിന്നു പുറത്താക്കിയ എസ്.എഫ്.ഐ. നേതാവിനെ പരീക്ഷ എഴുതിക്കാനുള്ള എം.ജി. സര്വകലാശാലയുടെ ഉത്തരവ് അടിയന്തരമായി പിന്വലിക്കാന് വി.സിക്ക് നിര്ദേശം നല്കണമെന്നാവശ്യപ്പെട്ട് കോളജ് മാനേജെ്മന്റും, സേവ് യൂണിവേഴ്സിറ്റി ക്യാമ്പയിന് കമ്മിറ്റിയും ഗവര്ണര്ക്ക് നിവേദനം നല്കി.
