പാലക്കാട് : വന്ദേഭാരത് എക്പ്രസ് ട്രെയിനില് കുടുങ്ങി യാത്രക്കാര് . കാസാര്ഗോഡ് -തിരുവനന്തപുരം വന്ദേഭാരത് ട്രെയിനിലാണ് 2 മണിക്കൂറിലധികമായി യാത്രക്കാര് കുടുങ്ങി കിടക്കുന്നത്.
എൻജിൻ ഭാഗത്തെ തകരാറിനെ തുടർന്ന് ട്രെയിൻ ഷൊർണൂർ റെയിൽവേ സ്റ്റേഷന്റെ ബി ക്യാബിന് സമീപം നിർത്തിയിട്ടിരിക്കുകയാണ്. വാതിലുകൾ ഉൾപ്പെടെ ലോക്കായതിനാൽ യാത്രക്കാർക്ക് പുറത്തിറങ്ങാൻ സാധിക്കുന്നില്ല.
ബുധനാഴ്ച വൈകിട്ട് നാലരയ്ക്കു ശേഷമാണ് ട്രെയിൻ ഇവിടെയെത്തിയത്. തകരാർ പരിഹരിച്ച് എത്രയും വേഗം യാത്ര തുടരാനാണ് ശ്രമിക്കുന്നതെന്ന് റെയിൽവേ അധികൃതർ അറിയിച്ചു. തകരാർ സംബന്ധിച്ച് ഔദ്യോഗിക വിവരങ്ങളൊന്നും റെയിൽവേ പുറത്തുവിട്ടിട്ടില്ല.
