തിരുവനന്തപുരം: സ്മാര്ട്ട്സിറ്റി പദ്ധതിയില് നിന്നും പിന്മാറാനുള്ള സര്ക്കാാരിന്റെ തീരുമാനത്തിന് കാരണം ഭൂമി സ്വന്തക്കാര്ക്ക് നല്കാനുള്ള നീക്കമാണെന്ന് പ്രതിപക്ഷ നേതാവ് വി.ഡി. സതീശന്. ഏറ്റെടുക്കുന്ന 246 ഏക്കര് ഭൂമി ആര്ക്കാണ് നല്കാന് പോകുന്നതെന്നും പ്രതിപക്ഷ നേതാവ് ചോദിച്ചു. സര്ക്കാരിന്റെ തീരുമാനത്തില് ദുരൂഹതയുണ്ടെന്നും പിന്മാറാനുള്ള കാരണം ബോദ്ധ്യപ്പെടുത്തണമെന്നും ആവശ്യപ്പെട്ടു.
നേരത്തേ ഇതേവിഷയത്തില് അഴിമതിയാരോപണവുമായി കോണ്ഗ്രസ് നേതാവ് രമേശ് ചെന്നിത്തലയും രംഗത്ത് വന്നിരുന്നു. ടീകോമിന് നഷ്ടപരിഹാരം നല്കാനുള്ള സര്ക്കാരിന്റെ തീരുമാനം അഴിമതിയാണെന്നും വാഗ്ദാനലംഘനം നടത്തിയതിന് ടീകോമില് നിന്നുമാണ് നഷ്ടപരിഹാരം വാങ്ങേണ്ടതെന്നും അതിന് പകരം ടീകോം എംഡി. ബാജി ജോര്ജ്ജിനെയും നഷ്ടപരിഹാര കമ്മറ്റിയില് ഉള്പ്പെടുത്തിയെന്നും രമേശ് ചെന്നിത്തല പറഞ്ഞു. കഴിഞ്ഞ ദിവസമായിരുന്നു സ്മാര്ട്ട് സിറ്റി കൊച്ചി പദ്ധതിയുമായി ബന്ധപ്പെട്ട പ്രശ്നങ്ങള് പരിഹരിക്കാന് ചീഫ് സെക്രട്ടറി അധ്യക്ഷയായ സമിതി സമര്പ്പിച്ച ശിപാര്ശയ്ക്കു മന്ത്രിസഭ അംഗീകാരം നല്കിയത്. പദ്ധതിയില്നിന്ന് ദുബായ് ആസ്ഥാനമായ ടീകോം കമ്പനിയെ ഒഴിവാക്കും. ചര്ച്ചകള് നടത്തി, പരസ്പരധാരണയോടെ പിന്മാറ്റനയം രൂപീകരിക്കാനുമായിരുന്നു തീരുമാനം എടുത്തത്.
ടീകോമും സംസ്ഥാനസര്ക്കാരും ചേര്ന്നുള്ള സ്മാര്ട് സിറ്റി പദ്ധതി കരാര്പ്രകാരം സര്ക്കാരിന്റെ ഓഹരി പങ്കാളിത്തം 16 ശതമാനവും ടീകോമിന്റേത് 84 ശതമാനവുമാണ്. ടീകോമിനു നല്കേണ്ട നഷ്ടപരിഹാരത്തുക കണക്കാക്കാന് സ്വതന്ത്ര ഇവാല്യുവേറ്ററെ നിയോഗിക്കും. ഇതു സംബന്ധിച്ച് ശിപാര്ശ സമര്പ്പിക്കാന് ഐ.ടി. മിഷന് ഡയറക്ടര്, ഇന്ഫോപാര്ക്ക് സി.ഇ.ഒ, ഓവര്സീസ് കേരളൈറ്റ്സ് ഇന്വെസ്റ്റ്മെന്റ് ആന്ഡ് ഹോള്ഡിങ് ലിമിറ്റഡ് (ഒ.കെ.ഐ.എച്ച്) എം.ഡി: ഡോ. ബാജു ജോര്ജ് എന്നിവരുള്പ്പെട്ട സമിതിയെ ചുമതലപ്പെടുത്തും.
കൊച്ചിയിലെ കാക്കനാട് 246 ഏക്കറിലാണു പദ്ധതി വിഭാവനം ചെയ്തത്. 8.8 ദശലക്ഷം ചതുരശ്ര മീറ്റര് കെട്ടിടങ്ങള് നിര്മിക്കുന്നതില് 60% ഐ.ടി. അനുബന്ധസ്ഥാപനങ്ങളാകണമെന്നായിരുന്ന കരാര്. 2007 നവംബര് 15-ന് വി.എസ്. അച്യുതാനന്ദന് സര്ക്കാരാണു പാട്ടക്കരാര് ഒപ്പുവച്ചത്. 2016-ല് പദ്ധതിയുടെ ആദ്യഘട്ടം ഉദ്ഘാടനം ചെയ്തു. എന്നാല്, പാട്ടക്കരാര് ഒപ്പിട്ടശേഷം അഞ്ചുവര്ഷം കൊണ്ട് 8.8 ദശലക്ഷം ചതുരശ്ര മീറ്റര് കെട്ടിടനിര്മാണം നടത്താമെന്ന കരാര് പാലിക്കപ്പെട്ടില്ല. ആറുലക്ഷം ചതുരശ്ര മീറ്ററിനപ്പുറം ടീകോമിന് നിര്മിക്കാന് സാധിച്ചില്ല. ഇതോടെയാണ് ടീകോമിനെ ഒഴിവാക്കാനുള്ള നീക്കം ഉണ്ടായത്.
