സ്മാര്ട്ട് സിറ്റി പദ്ധതിയില് ടീകോമിനെ അങ്ങോട്ട് നഷ്ടപരിഹാരം നല്കി ഒഴിവാക്കുന്നതുമായി ബന്ധപ്പെട്ട വിവാദങ്ങളില് പ്രതികരിച്ച് വ്യവസായ മന്ത്രി പി രാജീവ് . നഷ്ടപരിഹാരമല്ല നല്കുന്നതെന്നും 84 ശതമാനം ഇക്വിറ്റിയില് മൂല്യം കണക്കാക്കി നല്കുന്നതാണെന്നും അദ്ദേഹം വ്യക്തമാക്കി.നാടിന്റെ താല്പര്യം സംരക്ഷിച്ചുകൊണ്ടുള്ള നിലപാടാണെന്ന് മന്ത്രി പറഞ്ഞു. സര്ക്കാരിന് അധിക ബാധ്യതയില്ലാതെ എങ്ങനെ നല്കാനാകുമെന്നാണ് നോക്കുന്നതെന്നും അദ്ദേഹം വ്യക്തമാക്കി.
സുതാര്യമായ രീതിയില് തന്നെ പ്രവര്ത്തനങ്ങള് നടക്കും. കമ്പനി നിയമങ്ങള് പരിശോധിച്ച് നോക്കുക. എന്നിട്ടും വീഴ്ച കണ്ടെത്തുകയാണേല് മുന്നോട്ട് വരുക. കരാര് വ്യവസ്ഥയില് നിന്ന് വ്യത്യസ്തമായി ഒന്നും ഉണ്ടാകില്ല. സര്ക്കാരിന് ചെലവായ പണമുണ്ടെങ്കില് അത് ഈടാക്കാനേ പറ്റു.ഭൂമി എത്രയും വേഗം ഏറ്റെടുക്കുകയാണ് ലക്ഷ്യം. ബാജു ജോര്ജ് കരാറില് ഒപ്പിട്ടിട്ടില്ല.വിഷയം അറിയാവുന്ന ആളെന്നനിലയില് ഉള്പ്പെടുത്തിയതാകാം - പി രാജീവ് പറഞ്ഞു. ടീകോമുമായി ധാരണയെത്തിയെന്നും 84 ശതമാനം ഓഹരിക്ക് തുല്യമായ കുറഞ്ഞ തുക നല്കാനാണ് ശ്രമമെന്നും അദ്ദേഹം പറഞ്ഞു.പരമാവധി കുറഞ്ഞ തുക നല്കാനാണ് ശ്രമിക്കുന്നത്. തര്ക്കത്തിലേക്ക് പോയാല് ഭൂമി അങ്ങനെ കിടക്കും. ഒരു തരത്തിലുള്ള ആശങ്കയും വേണ്ട - പിരാജീവ് വ്യക്തമാക്കി.
