കുറെനാളുകളായി വാര്ത്തകളില് നിറയുന്നൊരു താരമാണ് ബാല. വെള്ളിത്തിരയില് അവതരിപ്പിക്കുന്ന കഥാപാത്രങ്ങള് കൊണ്ടല്ല ബാലയുടെ പേര് വാര്ത്തകളില് നിറഞ്ഞിരുന്നത്, മറിച്ച് സ്വകാര്യ ജീവിതത്തിലെ പ്രശ്നങ്ങളും തുറന്നു പറച്ചിലുകളും കൊണ്ടാണ്. ഗായിക അമൃതയെയാണ് ബാല മുന്പ് വിവാഹം ചെയ്തിരുന്നത്. 12 വര്ഷം മുമ്പ് ഇവര് വേര്പിരിഞ്ഞത് അമൃതയുടെ സ്വഭാവദൂഷ്യം കൊണ്ടാണെന്നും അമൃത ഏകമകള് അവന്തികയെ കാണാന് അമൃത സമ്മതിക്കുന്നില്ല എന്നതുമൊക്കെ പറഞ്ഞാണ് ബാല ആദ്യം വിവാദപ്രസ്താവന നടത്തിയത്. പിന്നീടത് കേസും ബഹളവുമൊക്കെയായി ആറിത്തണുത്തു. അതിനു ശേഷമാണ് തന്റെ മാമന്റെ മകള് കോകിലയെ ബാല മൂന്നാമത് വിവാഹം ചെയ്തത്.
ഇപ്പോഴിതാ കോകിലയെ സോഷ്യല് മീഡിയയില് അധിക്ഷേപിക്കുന്നതിനെതിരെ ബാല വീഡിയോയുമായി രംഗത്ത് എത്തിയിരിക്കുകയാണ്. കോകിലയെ ഒപ്പം നിര്ത്തിയുള്ള വിഡിയോയിലൂടെയാണ് ബാല പ്രതികരിച്ചത്. ഇതിന് പിന്നില് ആരാണെന്ന് നന്നായി അറിയാമെന്നും, മാപ്പ് പറഞ്ഞില്ലെങ്കില് കനത്ത തിരിച്ചടി ഉണ്ടാകുമെന്നും ബാല വീഡിയോയിലൂടെ മുന്നറിയിപ്പ് നല്കി.
‘‘അടുത്തവന്റെ ഭാര്യയെ വേലക്കാരി എന്ന് വിളിക്കുന്ന നിയമം ഈ നാട്ടിലുണ്ടോ? നീ സിനിമയെ പറ്റി സംസാരിക്ക്. ഒന്നും ഞാനല്ല തുടങ്ങി വെച്ചത്, നിങ്ങള് തുടങ്ങി വെച്ചതിന് ഞാന് റിയാക്റ്റ് ചെയ്യുകയാണ്. നീ സിനിമയുടെ റിലീസിനെപ്പറ്റിയും അഭിനയത്തെ പറ്റിയും പറഞ്ഞോളൂ. ഇന്ന് എന്റെ ഭാര്യ കോകിലയുടെ കണ്ണുനിറഞ്ഞു. നിങ്ങള്ക്ക് എങ്ങനെയാണ് ധൈര്യം വന്നത് ഇങ്ങനെ ചെയ്യാന്.
കോകിലയുടെ അച്ഛന് വിളിച്ചിരുന്നു. രാഷ്ട്രീയത്തില് വലിയ സ്വാധീനമുള്ളയാളാണ് കോകിലയുടെ അച്ഛന്. നീ പൊലീസില് പരാതിപ്പെടേണ്ടെന്നും, ബാക്കി കാര്യങ്ങള് എല്ലാം ഇനി പുള്ളി നോക്കിക്കൊള്ളാമെന്നുമാണ് എന്നോട് അദ്ദേഹം പറഞ്ഞത്. എല്ലാത്തിനും ഒരു മര്യാദ വേണം. ആളെ എനിക്കറിയാം. ഇത് ചെയ്തവന് മാപ്പ് പറയണം. ഡയറക്ട് വാണിംഗാണിത്. നിയമത്തിന് മുന്നില് നിന്നെ വിട്ടുകൊടുക്കില്ല. ഞാനിപ്പോള് അമ്പലം അടക്കം നല്ല പ്രവര്ത്തകളുമായി മുന്നോട്ട് പോവുകയാണ്...’’അടിമുടി വിറച്ചു കൊണ്ടുള്ള വീഡിയോയാണ് ബാല പങ്കുവച്ചിരിക്കുന്നത്. കോകിലയെ സോഷ്യല് മീഡിയയിലൂടെ വേലക്കാരിയെന്ന് വിളിച്ച് അധിക്ഷേപിച്ച ആള്ക്കെതിരെയാണ് ബാല പൊട്ടിത്തെറിച്ചിരിക്കുന്നത്.
