വര്ഷങ്ങളായി സിനിമയില് നിന്ന് വിട്ടു നില്ക്കുകയാണെങ്കിലും മലയാള സിനിമാപ്രേക്ഷകര്ക്ക് ഏറെ പ്രിയങ്കരിയായ അഭിനേത്രിയാണ് സംയുക്ത വര്മ്മ. വെറും നാല് വര്ഷമേ സിനിമയിലുണ്ടായിരുന്നുള്ളൂവെങ്കിലും മലയാളികള്ക്ക് ഇന്നും ഏറെ പ്രിയങ്കരിയാണ് സംയുക്ത. കരിയറിൽ തിളങ്ങി നിന്നിരുന്ന സമയത്താണ് സംയുക്ത ബിജുമേനോന്റെ ഭാര്യ ആയി അഭിനയ രംഗം വിടുന്നത്. അഭിനേതാവായ ബിജു മേനോനെ വിവാഹം ചെയ്ത സംയുക്ത കുടുംബജീവിതത്തിലേക്ക് ഒതുങ്ങി മകന്റെ കാര്യങ്ങളും യോഗയും യാത്രകളുമൊക്കെയായി തിരക്കിലാണ്.
സോഷ്യല് മീഡിയയില് സജീവമായ താരം എല്ലാ വിശേഷങ്ങളും യാത്രാ ചിത്രങ്ങളും യോഗ ചെയ്യുന്ന ചിത്രങ്ങളുമടക്കം എല്ലാം പങ്കുവയ്ക്കാറുണ്ട്. താരം പങ്കിടുന്ന ചിത്രങ്ങളെല്ലാം നിമിഷനേരം കൊണ്ട് ആരാധകര് ഏറ്റെടുത്ത് തരംഗമാക്കി മാറ്റാറുണ്ട്.
ഇപ്പോഴിതാ താരം അനിയത്തി സംഘമിത്രയ്ക്കൊപ്പമുള്ള സെൽഫി പങ്കിട്ടിരിക്കുകയാണ്. നരയുള്ള മുടി മറയ്ക്കാതെ, മേക്കപ്പില്ലാതെയാണ് സഹോദരിക്കൊപ്പം താരം പ്രത്യക്ഷപ്പെട്ടത്. ‘‘ഒരേ പൂന്തോട്ടത്തിലെ വ്യത്യസ്ത പൂക്കളാണ് സഹോദരിമാർ...’’ എന്ന ക്യാപ്ഷനൊപ്പമാണ് സംയുക്ത അനിയത്തിയ്ക്കൊപ്പമുള്ള ചിത്രം പങ്കുവച്ചിരിക്കുന്നത്.
സ്വകാര്യ ജീവിതത്തിലെ മനോഹര നിമിഷങ്ങൾ താരം ആരാധകരുമായി മിക്കപ്പോഴും പങ്കുവയ്ക്കാറുമുണ്ട്. നല്ലൊരു യോഗാഭ്യാസി കൂടിയായ താരം യോഗയുമായി ബന്ധപ്പെട്ട വിശേഷങ്ങളും ചിത്രങ്ങളും പങ്കുവയ്ക്കാറുണ്ട്. 1999ൽ പുറത്തിറങ്ങിയ വീണ്ടും ചില വീട്ടുകാര്യങ്ങൾ എന്ന ചിത്രത്തിലൂടെയാണ് സംയുക്ത വർമ ചലച്ചിത്ര അഭിനയരംഗത്തെത്തിയത്. നാലു വർഷം മാത്രം നീണ്ടു നിന്ന സിനിമാ കരിയറിൽ വളരെ കുറച്ചു ചിത്രങ്ങളിലാണ് അഭിനയച്ചതെങ്കിലും നാല് തവണ മികച്ച നടിക്കുള്ള സംസ്ഥാന പുരസ്കാരം ഉൾപ്പടെ നിരവധി പുരസ്കാരങ്ങളും താരം നേടി.
വിവാഹ ശേഷം സിനിമ ഉപേക്ഷിച്ചെങ്കിലും ചില പരസ്യ ചിത്രങ്ങളിലൂടെ സംയുക്ത കാമറയ്ക്ക് മുൻപില് എത്തിയിരുന്നു. സ്ക്രീനിലെ കെമസ്ട്രി ജീവിതത്തിലും പകർത്തിയ സംയുക്തയും ബിജുവും സംതൃപ്ത കുടുംബ ജീവിതമാണ് നയിക്കുന്നത്.
