തിരുവനന്തപുരം: ബംഗാള് ഉള്ക്കടലില് ശക്തി കൂടിയ ന്യൂനമര്ദ്ദം സ്ഥിതി ചെയ്യുന്ന സാഹചര്യത്തില് സംസ്ഥാനത്ത് ശക്തമായ മഴയ്ക്ക് സാധ്യതയെന്ന് റിപ്പോര്ട്ട്. ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്.
മൂന്ന് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. എട്ട് ജില്ലകളില് യെല്ലോ അലേര്ട്ടാണ് പ്രഖ്യാപിച്ചിരിക്കുന്നത്. ഇടുക്കി, എറണാകുളം, തൃശ്ശൂര് ജില്ലകളിലാണ് ഓറഞ്ച് അലേര്ട്ടോടുകൂടി മഴ മുന്നറിയിപ്പ് നല്കിയിരിക്കുന്നത്. കൊല്ലം, പത്തനംതിട്ട, ആലപ്പുഴ, കോട്ടയം, പാലക്കാട്, മലപ്പുറം, കോഴിക്കോട്, വയനാട് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
നാളെ ആറ് ജില്ലകള്ക്കാണ് മഴ മുന്നറിയിപ്പുണ്ട്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര് ജില്ലകള്ക്കാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. 30 മുതല് 40 കിലോമീറ്റര് വേഗതയില് കാറ്റടിക്കാന് സാധ്യതയുണ്ടെന്നാണ് വ്യക്തമാക്കിയിട്ടുള്ളത്. ഇടിയും മിന്നലും ഉണ്ടാകുന്ന സാഹചര്യം കണക്കാക്കി ജാഗ്രതപാലിക്കനും നിര്ദ്ദേശമുണ്ട്. രാവിലെ മുതല് പലയിടത്തും മഴയുടെ ലക്ഷണങ്ങളുണ്ട്.
