സ്വാര്ത്ഥത നിറഞ്ഞ ഈ ലോകത്തില് മനുഷ്യത്വം നഷ്ടപ്പെട്ടിട്ടില്ലാത്ത ഒരു കൂട്ടം മനുഷ്യര് നമ്മുക്ക് ചുറ്റും ജീവിക്കുന്നുണ്ട് എന്ന് തെളിയിച്ചിരിക്കുകയാണ് കഴിഞ്ഞ ദിവസം വൈറലായ ഒരു വീഡിയോ. മറ്റുള്ളവര്ക്ക് അപകടങ്ങള് സംഭവങ്ങള് സംഭവിക്കുമ്പോള് ആരാണെന്നോ എന്താണെന്നോ ഒന്നും നോക്കാതെ സഹായിക്കാന് ഓടിയെത്തുന്ന ചില മനുഷ്യരെക്കുറിച്ചാണ് ഈ വീഡിയോ പങ്കുവയ്ക്കുന്നത്.
വീഡിയോയില് വെള്ളപ്പൊക്കത്തില് കുടുങ്ങിപ്പോയ ഒരു സ്കൂട്ടര് യാത്രികനാണ് ഉള്ളത്. അയാള്ക്ക് തന്റെ സ്കൂട്ടര് ആ വെള്ളത്തില് നിന്നും ഉയര്ത്താന് കഴിയുന്നില്ല. എന്നാല്, അയാളുടെ അവസ്ഥ മനസിലാക്കി അയാളെ സഹായിക്കാന് ചിലരെത്തുന്നതാണ് വീഡിയോയില് കാണുന്നത്. എവിടെ നിന്നാണ് ഈ വീഡിയോ പകര്ത്തിയിരിക്കുന്നത് എന്നോ എപ്പോഴാണ് ഈ വീഡിയോ പകര്ത്തിയിരിക്കുന്നത് എന്നോ വ്യക്തമല്ല. എന്നാല്, വീഡിയോയ്ക്ക് താഴെ മനുഷ്യത്വത്തെ കുറിച്ചുള്ള കമന്റുകളുമായി അനേകങ്ങളാണ് എത്തുന്നത്.
വീഡിയോയില് കാണുന്നത് കുത്തിയൊലിക്കുന്ന വെള്ളത്തില് വീണ ഒരു സ്കൂട്ടറാണ്. സ്കൂട്ടര് യാത്രികന് അത് എങ്ങനെയെങ്കിലും പിടിച്ചുയര്ത്താന് നോക്കുന്നുണ്ട്. എന്നാല് സാധിക്കുന്നില്ല. നിരവധി വാഹനങ്ങള് ആ സമയം അതുവഴി കടന്നു പോകുന്നുണ്ട്. പെട്ടെന്ന് അതില് നിന്നും ഒരു കാര് തൊട്ടപ്പുറത്തായി നിര്ത്തുന്നു. ആ സമയത്ത് ഒഴുക്ക് കുറയുന്നു. അപ്പോള് മറ്റ് ചില യുവാക്കള് കൂടി സ്കൂട്ടര് യാത്രികനെ സഹായിക്കാന് എത്തുന്നതാണ് പിന്നെ കാണുന്നത്.
എല്ലാവരും കൂടി യുവാവിന്റെ സ്കൂട്ടര് എടുത്തുയര്ത്താന് സഹായിക്കുന്നു. വീഡിയോ വളരെ പെട്ടെന്നാണ് ശ്രദ്ധിക്കപ്പെട്ടത്. നിരവധിപ്പേരാണ് വീഡിയോയ്ക്ക് കമന്റുകള് നല്കിയത്. 'മനുഷ്യന് മനുഷ്യന് സഹായിക്കുന്നു' എന്നാണ് ഒരാള് കമന്റ് നല്കിയിരിക്കുന്നത്. 'ഇത് കാണുമ്പോള് മനുഷ്യത്വം മരിച്ചിട്ടില്ല എന്ന് തോന്നുന്നു' എന്നായിരുന്നു മറ്റൊരു കമന്റ്.
