മലയാളികള്ക്ക് സുപരിചിതയാണ് അഭയ ഹിരണ്മയി. ഗായികയായിട്ടാണ് അഭയയെ മലയാളികള് പരിചയപ്പെടുന്നത്. എന്നാല് ഇന്ന് ഗായിക മാത്രമല്ല അഭയ. അോഷ്യല് മീഡിയയിലെ മിന്നും താരമാണ്. അഭയയുടെ പോസ്റ്റുകള് വളരെ വേഗത്തില് വൈറലായിമാറാറുണ്ട്.
ഇപ്പോഴിതാ അഭയയുടെ പുതിയ ചിത്രങ്ങളും ശ്രദ്ധനേടുകയാണ്. നിങ്ങളുടെ അഴകളവുകളെയും പോരായ്മകളെയും സ്നേഹിക്കുക എന്നാണ് ചിത്രങ്ങള്ക്കൊപ്പം അഭയ കുറിച്ചിരിക്കുന്നത്. പിന്നണിയില് ഗോപി സുന്ദര് ഈണം നല്കിയ സുന്ദരിപ്പെണ്ണെ എന്നഗാനവും ചേര്ത്തിട്ടുണ്ട്.
വലിയ ജാലകങ്ങളിലൂടെ പുറത്തേക്കു നോക്കി നില്ക്കുന്ന ചിത്രങ്ങളാണ് അഭയ പങ്കുവെച്ചിരിക്കുന്നത്. തടസങ്ങളില്ലാതെ ഒഴുകുക, നിങ്ങളുടെ ഉളളിലെ സ്ത്രീ ഒരു നദി പോലെ ഒഴുകട്ടെ എന്ന് ഞാന് ആഗ്രഹിക്കുന്നു. നിങ്ങളുടെ അഴകളവുകളെയും പോരായ്മകളെയും സ്നേഹിക്കുക. അപ്പോഴെ നിങ്ങളുടെ യഥാര്ത്ഥ ശക്തി എന്താണെന്ന് നിങ്ങള് തിരിച്ചറിയൂ ഗായിക കുറിച്ചു.
ഗായിക എന്നതിന് പുറമെ മോഡലിംഗിനും അഭയയ്ക്ക് താല്പര്യമുണ്ട്. അഭയയുടെ ഫോട്ടോഷൂട്ടുകള് വൈറലാകാറുണ്ട്. അഭിനയത്തിലും അഭയ സാന്നിധ്യം അറിയിച്ചിട്ടുണ്ട്. ജോജു ജോര്ജ് സിനിമയായ പണിയില് അഭയ അഭിനയിച്ചിരുന്നു.
