ചെന്നൈ: ദേശീയഗാനത്തെ അപമാനിച്ചെന്ന് ആരോപിച്ച് തമിഴ്നാട് ഗവര്ണര് ആര്എന് രവി നിയമസഭയില് നിന്നും ഇറങ്ങിപ്പോയി. പ്രസംഗം നടത്താന് വിസമ്മതിക്കുകയും ഗവര്ണര് വായിക്കേണ്ട പതിവ് പ്രസംഗം നിയമസഭാ സ്പീക്കര് നടത്തുകയും ചെയ്തു. നിയമസഭ തുടങ്ങുമ്പോഴും ഒടുക്കവും ദേശീയഗാനം ആലപിക്കണമെന്ന ഗവര്ണറുടെ ആവശ്യം സഭ അംഗീകരിക്കാതെ വന്നതോടെയായിരുന്നു വിവാദം.
പ്രസംഗത്തിന്റെ തുടക്കത്തില് ദേശീയ ഗാനം ആലപിക്കാത്തതില് പ്രതിഷേധിച്ചായിരുന്നു ഇറങ്ങിപ്പോക്ക്. പാരമ്പര്യമനുസരിച്ച്, സഭ സമ്മേളിക്കുമ്പോള് 'തമിഴ് തായ് വാല്ത്തു' എന്ന സംസ്ഥാന ഗാനവും സഭയുടെ അവസാനം ദേശീയ ഗാനവും ആലപിക്കുന്നതാണ് രീതി. എന്നാല് രണ്ട് സമയത്തും ദേശീയ ഗാനം ആലപിക്കണമെന്ന് ഗവര്ണര് വാശിപിടിച്ചു പറഞ്ഞു.
'ഭാരതത്തിന്റെ ഭരണഘടനയും ദേശീയഗാനവും ഇന്ന് തമിഴ്നാട് നിയമസഭയില് വീണ്ടും അപമാനിക്കപ്പെട്ടു. നമ്മുടെ ഭരണഘടന അനുശാസിക്കുന്ന പ്രഥമ മൗലിക കടമകളില് ഒന്നാണ് ദേശീയഗാനത്തെ ബഹുമാനിക്കുക. എല്ലാ സംസ്ഥാന നിയമസഭകളിലും തുടക്കത്തിലും അവസാനത്തിലും ഇത് ആലപിക്കും. ഗവര്ണറുടെ പ്രസംഗം, ''ഗവര്ണര് ഇന്ന് ഇറങ്ങിപ്പോയതിന് ശേഷം രാജ്ഭവന് പ്രസ്താവനയില് പറഞ്ഞു.
''ഇന്ന് ഗവര്ണര് സഭയില് എത്തിയപ്പോള് തമിഴ് തായ് വാഴ്ത്ത് മാത്രമേ പാടിയിട്ടുള്ളൂ. ഗവര്ണര് സഭയുടെ ഭരണഘടനാപരമായ കടമയെക്കുറിച്ച് ആദരവോടെ ഓര്മ്മിപ്പിക്കുകയും സഭാനേതാവായ ബഹുമാനപ്പെട്ട മുഖ്യമന്ത്രിയോടും ബഹുമാനപ്പെട്ട സ്പീക്കറോടും പാടാന് തീക്ഷ്ണമായി അഭ്യര്ത്ഥിക്കുകയും ചെയ്തു. എന്നിരുന്നാലും, അവര് ഭരണഘടനയോടും ദേശീയതയോടും ഉള്ള അനാദരവിന്റെ കക്ഷിയാകുന്നത് ഗൗരവതരമായ കാര്യമാണെന്ന് കണ്ട ഗവര്ണര് അഗാധമായ വേദനയോടെ സഭ വിട്ടു, ''രാജ്ഭവന് കൂട്ടിച്ചേര്ത്തു.
ഗവര്ണര് ഇറങ്ങിപ്പോയതിന് ശേഷം ഗവര്ണര് വായിക്കേണ്ട പതിവ് പ്രസംഗം നിയമസഭാ സ്പീക്കര് എം അപ്പാവു നടത്തി. തമിഴ്നാട് നിയമസഭയിലെ ആചാരത്തിന്റെ പേരില് രാജ്ഭവനും ഡിഎംകെ സര്ക്കാരും തമ്മില് തര്ക്കം ഉണ്ടാകുന്നത് ഇതാദ്യമല്ല. 2022-ല്, 'ദ്രാവിഡ മോഡല്' എന്ന പദപ്രയോഗത്തിന് പുറമെ ബിആര് അംബേദ്കര്, പെരിയാര്, സിഎന് അണ്ണാദുരൈ എന്നിവരുടെ പേരുകളുള്ള പ്രസംഗത്തിന്റെ ഭാഗങ്ങളും തമിഴ്നാട്ടിലെ ക്രമസമാധാനത്തെക്കുറിച്ചുള്ള ചില പരാമര്ശങ്ങളും വായിക്കാന് ആര് എന് രവി വിസമ്മതിച്ചു. ഗവര്ണറുടെ പ്രസംഗം രേഖപ്പെടുത്താതെ ഔദ്യോഗിക പ്രസംഗം മാത്രം രേഖപ്പെടുത്തണമെന്ന പ്രമേയം സഭ അംഗീകരിച്ചതോടെ ദേശീയ ഗാനത്തിന് കാത്തുനില്ക്കാതെ അദ്ദേഹം ഇറങ്ങിപ്പോയിരുന്നു.
2021ല് തമിഴ്നാട് ഗവര്ണറായി ചുമതലയേറ്റതു മുതല് എംകെ സ്റ്റാലിന്റെ നേതൃത്വത്തിലുള്ള സംസ്ഥാന സര്ക്കാരുമായി രവി ഇടഞ്ഞു നില്ക്കുകയാണ്. ബി.ജെ.പി വക്താവിനെ പോലെയാണ് അദ്ദേഹം പെരുമാറിയതെന്നും ബില്ലുകളും നിയമനങ്ങളും തടയുന്നുവെന്നും ഡിഎംകെ സര്ക്കാര് ആരോപിച്ചു. നിയമനിര്മ്മാണത്തിനുള്ള തന്റെ സമ്മതം തടയാന് ഭരണഘടന തനിക്ക് അധികാരം നല്കുന്നുണ്ടെന്ന് ഗവര്ണര് പറഞ്ഞു. രാജ്ഭവനും സംസ്ഥാന സര്ക്കാരും തമ്മിലുള്ള തര്ക്കം സുപ്രീം കോടതിയിലും രാഷ്ട്രപതി ഭവനിലും എത്തി.
