ഹിന്ദി സീരിയലുകളിലൂടെ പ്രേക്ഷകമനസ്സ് കീഴടക്കിയ താരമാണ് ഹിനാ ഖാന്. ഒരു സമയത്ത് ഹിന്ദി ടെലിവിഷന് സീരിയലില് ഏറ്റവും പ്രിയപ്പെട്ട നായികയായിരുന്നു ഹിന. നായികയില് നിന്ന് വില്ലത്തിയായി ഹിനാ മാറിയപ്പോഴും പ്രേക്ഷകരുടെ എണ്ണത്തിനും ഇഷ്ടത്തിനും കുറവു വന്നിട്ടില്ല. ഹിന്ദി ബിഗ് ബോസില് മത്സരാര്ത്ഥിയായി എത്തിയതോടെ ഹിനയ്ക്ക് ആരാധകരുടെ എണ്ണവും കൂടി.
സോഷ്യല് മീഡിയയില് സജീവമായ താരം എല്ലാ വിശേഷങ്ങളും അതിലൂടെ പങ്കിടാറുണ്ട്. എന്നാല് കുറച്ചു മാസങ്ങള്ക്ക് മുൻപ് തനിക്ക് സ്തനാർബുദം ബാധിച്ചതായും, തേർഡ് സ്റ്റേജ് ആണെന്നും താരം ആരാധകരെ അറിയിച്ചു. അര്ബുദവുമായിട്ടുള്ള പോരാട്ടത്തിലാണെന്നും കീമോ ആരംഭിച്ചതിനു പിന്നാലെ തന്റെ മുടി മുറിച്ചെന്നും കണ്പീലി കൊഴിഞ്ഞു പോയതെന്നതുമടക്കം താരം സോഷ്യല് മീഡിയയില് പങ്കിട്ടിരുന്നു. സ്തനാർബുദത്തോട് പോരാടുന്ന സമയത്തും തന്റെ ഓരോ നിമിഷങ്ങളും ആനന്ദകരമാക്കാൻ താരം ശ്രമിക്കാറുണ്ട്. എല്ലാവര്ക്കും പ്രചോദനമാകുന്ന ചിരിച്ച മുഖത്തോടെയുള്ള ചിത്രങ്ങളും പോസ്റ്റുകളാണ് താരം പങ്കിടാറുള്ളത്.
ഇപ്പോഴിതാ സ്റ്റൈലിഷ് ലുക്കിലുള്ള തന്റെ ഏറ്റവും പുതിയ ചിത്രങ്ങള് പങ്കിട്ടിരിക്കുകയാണ് താരം. ബെറി ഫിസ്സ് ബീച്ച് ഡ്രസ്സിലാണ് താരം തിളങ്ങുന്നത്. വ്യത്യസ്തമായ പച്ച നിറത്തിലുള്ള ബോൾഡ് 3 ഡി ഫ്ലോറൽ പ്രിന്റുകളുള്ള വിവിഡ് മജന്തയില് വി-നെക്ക്ലൈനും റഫ്ൾഡ് പാവാടയും ഗോൾഡൻ ഹൂപ്പ് ബെല്റ്റുമുള്ള ബീച്ച് ഡ്രസ്സില് ഒരു ബാര്ബി ഡോളിനെപ്പോലെയാണ് ഹിന തിളങ്ങുന്നത്. ‘‘വളരുക, തിളങ്ങുക, ഒഴുകുക...’’ എന്ന ക്യാപ്ഷന് നല്കിയാണ് ഹിന തന്റെ പുതിയ ചിത്രങ്ങള് പങ്കിട്ടിരിക്കുന്നത്. ആരാധകരടക്കം നിരവധി പേരാണ് താരത്തിന്റെ പുതിയ ചിത്രങ്ങള്ക്ക് പോസിറ്റീവ് കമന്റുകളിട്ടിരിക്കുന്നത്.
