തിയേറ്ററുകളില് പ്രദര്ശനം തുടരുകയാണ് സവിന് സാ സംവിധാനം ചെയ്ത ചിത്രം ' വാഴ 2'. മികച്ച പ്രതികരണങ്ങളാണ് ചിത്രത്തിന് ലഭിക്കുന്നത്. സോഷ്യല് മീഡിയ താരങ്ങളായ ഹാഷിര്, അലന്, വിനായക്, അജിന് എന്നിവരാണ് വാഴ 2 ല് പ്രധാന വേഷങ്ങളിലെത്തുന്നത്. കേരളത്തിലും യുകെയിലും ദുബായിലുമായാണ് ചിത്രത്തിന്റെ കഥ നടക്കുന്നത്. ഇതിനിടെ യുകെ സീനില് ഇല്ലാത്ത ഹാഷിറിനെ എന്തിനാണ് യുകെയ്ക്ക് കൊണ്ടു പോയതെന്ന് ചോദിക്കുന്നവര്ക്ക് മറുപടി നല്കുകയാണ് ചിത്രത്തിന്റെ മേക്കപ്പ്മാന്.
മേക്കപ്പ് ആര്ട്ടിസ്റ്റായ സുധി സുരേന്ദ്രന് ചിത്രത്തിന്റെ വിദേശത്തു നിന്നുളള ബിടിഎസ് വീഡിയോ പങ്കുവച്ചു കൊണ്ടാണ് ഹാഷിറിനെ എന്തിനാണ് യുകെയ്ക്ക് കൊണ്ടു പോയതെന്ന ചോദ്യത്തിന് മറുപടി നല്കുന്നത്. വീഡിയോയില് സെറ്റിലെ ജോലികള് ചെയ്യുന്ന ഹാഷിറിനെ കാണാം.
'' ഇതാണ് നമ്മള് പറഞ്ഞ നടന് ഹാഷിര്. എല്ലാവരും ചോദിച്ചു എന്തിനാണ് ഹാഷിര് യുകെയില് വന്നത് എന്ന്. ഒരു സിനിമയുടെ വിജയത്തിന് കാരണം ഇങ്ങനെയൊരു കൂട്ടായ്മയാണ്'', എന്നാണ് സുധി സുരേന്ദ്രന് കുറിച്ചിരിക്കുന്നത്.
